:quality(80)/public/tvbcom/article/images/202504/54525002-48d5-4a55-ae10-7c27245433ee.png)
《中年好聲音3》本周日（27日）晚8點翡翠台播出時長長達2.5小時的9強之戰！今集除了繼續有車婉婉擔任主持，固定評審班底肥媽、張佳添及周國豐，還有音樂女神海兒以及著名填詞人潘偉源，齊齊見證8強誕生。
《中年好聲音3》本回合主題是「改編歌之夜」，9位參賽者演唱歌單如下：陳芷盈《深愛著你》、善玥澄 《依然》、劉洋《後來》、王鄭浚仁《愛火花》、李金凱《歸來吧》、占士丁丁《Take me to your heart》（《吻別》英文版）、趙浚承《霧之戀》、黃博《蜚蜚》及張與辰《拒絕再玩》。為令觀眾對《中年好聲音3》9強有更深入的了解及認識，今集製作組還為各人安排了單人外景拍攝，相當有心。
今集《中年好聲音3》一大亮點，是全場唯一自彈自唱的張與辰；大熱門之一的張與辰，這次轉玩Sexy風格，以慵懶又有魅力的聲音彈唱《拒絕再玩》，別具個人風格。張與辰事後坦言希望每次站上《中年好聲音3》舞台，都能帶給觀眾不一樣的感覺：「因為我從來未sexy過，但又冇胸肌所以攞件scarf嚟冚住吓。」婉婉聞言即以手觸碰張與辰的Scarf，並開玩笑謂：「拉低啲咪得咯。」令獻唱時奔放自如的與辰忽然變回怕醜仔，場面搞笑。
張佳添讚張與辰才華值高
對於張與辰表現，評審可說一面倒正評，出名反應王的肥媽與海兒，在台下聽張與辰唱歌時已忍不住相視而笑兼流露讚歎樣，海兒坦言聽完面紅耳熱：「你（張與辰）把聲好似跳緊脫衣舞咁，可以用聲音做到咁多唔同音色，我覺得可以叫你Ad- Lib王子，好正，真係好少聽歌聽到面紅。」肥媽則笑言聽到「頭赤」：「佢（張與辰）真係唱到不羈嘅感覺，好自然流露出嚟，我覺得任何女人都會畀佢電到。」
張佳添則大讚張與辰so talented：「呢個比賽才華值你係最高嘅，彈琴叻彈結他叻，識編曲識作曲，識做音樂製作，快歌慢歌rock歌R&B冇一樣難倒你，你sexy係因為你真係一個好有才華嘅音樂人。」嘉賓評審潘偉源：「其實我真係嚟睇show，好精彩嘅音樂會，你今日係一件好精美嘅樂器。」就連出名百彈齋主的周國豐，亦高度評價，並坦言願意為張與辰今次表現給出20分滿分：「成件事你（張與辰）有少少唱到靈魂出竅，真係唱得好好，你同隻歌已經合而為一…頭先我用咗至少45秒時間，究竟我係畀19定20分你。」
