中年好聲音3丨黃博95分當MVP撼贏劉洋 陳曉東高度評價：驚喜的存在

《中年好聲音3》由車婉婉擔任主持，評審團除了固定班底肥媽、張佳添、周國豐外，還有音樂女神海兒和陳曉東擔任嘉賓評審，昨晚（9日）一集更邀請了音樂情人鄭子誠用靚聲帶觀眾進入《中年3》20強競賽。

黃博比賽數天前患感冒失聲

至於第二高分的演出，由「女大魔王」黃博獻唱《我的愛》獲得95分好成績，選唱此曲的原因，原來跟十多年前一次歌唱比賽有關：「十幾年前參加過歌唱比賽，準備下round唱呢隻歌，結果就被foul。其實就係想講曾經有好多遺憾，如果你堅定去愛，一定可以搵番返嚟。」更自揭錄影前數天患感冒而失聲：「今日搵番把聲其實都好感恩。」張佳添大讚黃博唱出個人版本，讓他聽得如痴如醉：「音色好靚，開始喺度分析緊，慢慢已經唔記得咗，我已經入咗去，好好聽，我左腦熄咗，唔想分析！」陳曉東則謂：「歌聲中聽到無奈，聽到嗰種追尋，又聽到堅持。同埋佢好揮灑自如，隨時可以轉另一種氣聲，我覺得好好。」雖然黃博比劉洋低1分，但最終東東仍選出黃博為本回的MVP，更以「驚喜的存在」形容現身於《中年好聲音》舞台上，評價極高。