中年好聲音3丨曹越大露背跳佛蘭明高舞晒「健身教練式」結實背肌 海兒親身示範超Sexy煞食眼神派福利

本輪多個演出同為耀眼，當中曹越可謂才藝大晒冷，穿著大露背裝、口咬玫瑰花登場，並邊跳flamenco dance（佛蘭明高舞）邊獻唱《活色生香》，演出令人眼前一亮。不過講到最搶Fo，必定是其超結實背肌，連車婉婉也被驚嘆：「健身教練真係唔同啲，個背肌好似同我say hello咁！」阿Lam對於曹越的演出大讚：「真係上晒身，好落力，又跳又唱，我唱呢隻歌都唔會做到咁樣。」張佳添則認為曹越表現未夠放：「你把聲線未夠sexy，硬咗少少。」肥媽聞言即幫忙「解畫」：「佢哋講嘅你未必明，我講你就會好明，你唱呢隻歌唔夠姣，你兩個麻甩佬就係想講呢個意思咋嘛！」海兒表示認同後，隨即被肥媽叫示範，想睇音樂女神海兒嫵媚獻Sing？密切留意節目啦！