中年好聲音 4｜周志康發文感激哥哥周志文 晒絕密舊照見證追夢軌跡

事後，周志康在社交平台感性發文，分享當初抽中這首歌的心境，他直言：「盲盒一開，係《天下無雙》。嗰一刻，我呆咗，跟住個鼻酸一酸。因為呢首歌，係我同文仔嘅歌。」他回憶起兩兄弟相伴成長的點滴，續道：「細個嗰陣，我哋孖鋪，打同一部遊戲機，有共同嘅朋友、共同嘅興趣。大個之後，一齊追夢、一齊練歌、一齊捱過低潮。我鍾意嘅嘢，佢都鍾意；佢堅持嘅嘢，我都撐。」

周志康更用了一個極具詩意的譬喻，來形容他與周志文血濃於水的深厚關係。他指二人就像「兩粒永遠喺同一條軌道上面運行嘅星」：「唔會分開，唔會走散，互相照住對方。今次抽中呢個屬於我哋隱藏版盲盒，好似個天都幫我揀咗個最啱嘅方式，去將我哋呢份情，唱俾所有人聽。」

最後，他向哥哥公開致謝，深情告白：「文仔，多謝你一直都喺度。呢首歌，我會用最真摯嘅方法演繹送俾你。」除了字字鏗鏘的感人文字，周志康還大方公開了多張與周志文的珍貴舊照，溫馨記錄了兩人由 BB 時期到長大成人的成長軌跡，兄弟情誼令人稱羨。