一日打工限定｜賴慰玲化身「講價達人」+「精明消費者」 買魚真‧落手落腳擒高擒低

Winki魚販tone上身 發揮講價三大技巧

節目中，早於清晨六點Winki已跟隨魚檔老闆菁姐前往魚市場學習如何挑選新鮮海鮮，Winki非常認真地投入學習，青姐也大讚：「你學得好快！」去到實戰時刻，Winki獨自挑戰依住青姐交託的超長清單買海鮮，首先要完成採購該張清單少啲腳骨力及記性都唔掂，皆因要記住及走勻所有入貨舖頭準確位置，而且更要記實揀不同靚海鮮要注意的地方。

縱觀整過個程，Winki除了是「優質學生」，雖然有不少蝦碌Moment，但學嘢算是好快上手；Winki另外還完美發揮了講價技巧必備-死纏難打！Winki與其中一位賣魚師傅「糾纏」期間，氹掂師傅「半賣半送」之餘，更成功以「疲勞轟炸」：「我咁靚再平啲？」令到師傅願意一再降低底線。另Winki揀靚海鮮期間，眼力及要求均相當高，為了揀靚象拔蚌，更不惜在濕滑魚缸上擒高擒低，而且均乎每次都能準確講出手上象拔蚌是否正貨，全方位展現精明消費者一面。