一周星星｜郭富城親揭「保持62KG」傳聞 方中信自嘲家庭地位「貓狗不如」

「本尊Fact Check」環節，泉叔向郭富城求證「多年來始終保持62KG」傳聞是否屬實。城城提及多年來為Keep弗每天平均只吃1.5餐，為了一日食足三餐的太太方媛，竟然作出「重大讓步」，並大拋愛妻金句：「咁我作為一個丈夫，又係一個爸爸，係要陪伴（老婆仔女）去做呢樣嘢嘅！」吳鎮宇則要回應兒子Feynman是否真的「吳鎮宇黑粉」，對此鎮宇笑言由於Feynman經常趁其不為意或露出醜態時偷拍他，他除封仔仔「天生狗仔隊」外，還笑言自己要長期處於提防狀態：「我一見佢懶係唔望我，我就知會有個攝影機對住我㗎喇！」

同為「型佬」的方中信，則要接受極度刺激、由太太莫可欣及愛女符迦晴「操刀」的「囡囡常識問答比賽」，當中啜核問題包括女兒所穿鞋子Size、「幾多歲開始學騎馬？」由於過半數問題夠晒刁鑽兼出人意表，方中信答錯率頗高，連他自己亦一度不敢面對現實、求製作組謂：「可唔可以唔好播出嚟？」非常搞笑。平時予人唔多出聲的方中信，在節目中還會難得開金口大談家中地位「貓狗不如」，以及最不能忍受女兒做的一件事。