:quality(80)/public/tvbcom/article/images/202607/c434f49d-7ab1-48e5-9506-30f16918243a.png)
《自然系女子旅行》今晚（27日）10點播映最後一集，林映暉（暉哥）跟黃瀅仴（Verena）留在台東活動，她們拜訪當地初鹿牧場。入到場內二人顯得非常興奮，Verena見到寵物馬（Pony）時便忍不住要上前餵飼，她大讚說︰「成日都見人post相，自己都好想同Pony玩，終於畀我見到佢哋喇。好乖，完全唔會嘈，安安靜靜等你餵佢食嘢。」當來到驢仔區時，暉哥顯得有點避忌。事緣早前她到訪濟州一間農場時，就曾被驢仔弄傷，留下陰影。今次暉哥顯得小心翼翼，隔老遠為驢仔遞上飼料，她解釋︰「唔知今次有無Oppa好似上次咁幫我止血，同埋我唔想畀同一物種傷害twice。」
延伸閱讀：自然系女子旅行｜黃瀅仴與山神「靈接觸」 暉哥客串「港女野人」征服山澗
+7
下一站暉哥、Verena到訪當地貓Café，入鄉隨俗二人戴上貓耳化身貓星人。Verena 在香港已是貓奴一名，她分享養貓心得說︰「三年前養咗第一隻貓，覺得貓好特別好有個性，每一隻都有唔同性格。」而暉哥一直對小動有抗拒，原來跟潛水教練有關，她解釋說︰「細個時教練同我哋講，落到海唔好亂摸啲海洋生物，即係你出街都唔鍾意人隨便摸你啦。」久而久之變成害怕跟小動物接觸。直到早前暉哥拍攝了一輯寵物友善節目，克服了多年恐懼，她自豪說︰「舊年我仲養咗隻倉鼠。」
今晚播映一集，二位女士作終極挑戰野溪溫泉，所謂野溪溫泉是指未經人工商業開發的天然溫泉。她們經歷游繩及攀爬，成功找到一處適合浸泡的露天溫泉。
