美食新聞報道｜「星級飯腳」高Ling女神帶揾食 中環素食巡遊！夢幻外觀還原度極高

《美食新聞報道》早前新加了「星級飯腳」環節找來藝人嘉賓包括林盛斌(Bob)同C君分享他們都私家的美食List以及其中的故事，深受觀眾歡迎。今集「星級飯腳」請來高海寧（高Ling）化身《新聞女王》角色許詩晴，與主持蔡景行（行仔）到她經常去的素食餐廳，試試新派素食！

第一站：中環士丹利街

高Ling表示自己很喜歡這間餐廳的裝修，像真度極高的素食手撕雞，吃起很有手撕雞感覺，高Ling和行仔均指這比雞肉軟身一點，「味道、口感和調味做得好似，把麻油撈埋一齊。」老板Issac 表示，這道菜主要用香蕉花以沙薑去調味製作。之後二人又品嘗了素漢堡扒芝士漢堡，像真度又是極高，這個漢堡連芝士都是素，加上燒烤醬令整個口感都跟真的漢堡很像。Rendang（巴東牛肉）是老闆為二人推介的，指如果鍾意食辣的朋友可以試下。行仔表示：「如果想知一個人可以食幾辣，可以睇佢去米線舖食幾辣，我係10小辣都覺得有啲辣。」高Ling聽後一臉茫然地問：「10小辣係咩嚟架？」佢接着解釋：「因為我通常由中辣向上，所以唔知咩係10小辣。」得知行仔不太能吃辣的她細心地先試味，坦言：「我幫你試下味先，我廢事你辣親，我勸你都唔好食啦，呢個辣係我我鍾意嘅辣。」但此時，行仔已把牛肉放入口，結果辣得他表情大變，但仍說：「如果鍾意食辣同香口，呢個好正！」當被問到為何會開始食素時，高Ling表示：「當時係處於一個比較混亂嘅時期，好多嘢諗唔通，迷茫到我唔知點算，我想要去求助一啲嘢，咁不如食素啦。FEEL到自己個心無咁慌張，會平靜返落嚟，個人定好多，係不知不覺間。但有一日，我突然好想食叉燒，朋友問你為咩去食素，我話無呀，無限定時間架，純粹覺得果下需要我就食，咁喺呢一刻我可能覺得好返，咁就食返肉，我覺得自己都好隨性。」行仔問高Ling下一間素食餐廳是否都是辣的，高Ling指是比較清淡的素食，行仔竟跟她分享：「琴日我發現自己唔係好健康，因為唔結實。」高Ling聽後笑到說不出話來。

第二站：中環荷李活道

這間餐廳屬fusion素食，當中有中、西和日式等。先來一道很精緻的小吃「芒果/青檸/柚子」，有點似柚子沙律，好似春卷包着柚子一樣。
第二道菜是欖菜整慕絲，再用銀絲卷點來吃。高Ling見行仔一下子點太多慕絲會好鹹，但行仔笑言這樣較有味，結果真的太鹹，「這個慕絲真的很足料。」第三道菜是像真度五星的「蒲燒/素卷/海藻」，樣子和香味都很像鰻魚，擺盤精美。高Ling笑言跟行仔用餐：「好似自己帶細佬出嚟食飯一樣。」行仔問她有勸過弟弟吃素嗎？高Ling表示沒有，她認為每個人都有自己人生，會尊重他的選擇，「佢鍾意食咩就同佢食咩，我可以喺佢嘅MENU揀我鍾意食嘅嘢。」她又分享，會經常跟弟弟說：「你嘅人生啱啱先開始，你鍾意做咩就做咩，你去試啦，因為後生可以有好多可以犯錯嘅機會，可以重新嚟過。」行仔問她：「咁你有無同佢講你會support佢呀？我屋企人都咁同我講，所以我先坐喺到。」高Ling聽後說：「有呀，你去試啦，唔緊要，你唔洗養家，有我喺到。」之後二人又試了一道清新又好味的「芭樂/紫蘇/聖女果」。此時，行仔把甜品轉向鐘頭後笑說：「我吸取了上次教訓！」源於他上次跟C君拍攝時，被對方提醒在食之前，要先給鏡頭拍攝。高Ling在用餐後跟行仔說：「食素係一種生活態度，如果你希望自己可以清理下啲細胞入邊嘅嘢，你可以嘗試下食素，其實而家係越嚟越多選擇，唔同種類嘅素食。」

全港第一間刀削麵
刀削麵x芫荽x家傳藥膳灌湯
今集還有伍倩彤(Gillian)帶大家到銅鑼灣，香港第一間刀削麵店，一試足料又好味的「成年人不作選擇」！成年人不作選擇（藥膳湯底、落湯雞、豬軟骨、牛頸脊、芫荽刀削麵）

「試麵先試湯」是傳統了吧！Gillian飲湯後指：「藥材味不算太濃，刀削麵因為加入了芫荽汁而帶綠色，口感煙韌！而且好足料，有原隻雞脾，而豬軟骨最能吸收藥膳湯底，滿有骨膠原。」藤椒麻醬拌麵，麵店用了自製藤椒醬，「吃下去，兩三秒才開始滲味，吃上去酸酸辣辣，花生醬相當香，拉麵好有咬口，用嚟做撈麵好夾。」

Veggie4love

中環士丹利街11號Stanley 11 10樓

圓

中環荷李活道1-13號華懋荷里活中心地下2號舖

麵館皇

銅鑼灣登龍街32號地舖