美食新聞報道｜旺角5星酒店新派粵菜Omakase 獲獎女廚為成兒子榜樣奮鬥

點讚

撰文：微塵浮雲

發佈日期：2024-09-05 09:19 更新日期：2024-09-06 07:09

今次「故事味緣」的主角小儀，是一位身形嬌小的女廚師，作為「烈火中的巾幗」，她曾於烹飪比賽獲得金獎後，開始沾沾自滿，直到第二年再參賽時，竟因練習不足而輸掉，甚至連入圍的機會都沒有。她形容當時的心情是：「插入谷底。」，而她的師傅，區域中式廚藝總監江師傅亦認同，指小儀當時「跌咗喺谷底好耐」，但他同時認為「應該要面對失敗，你先會成長。」

以酒創出「香港美食」

小儀當年為了找目標和技能給自己，於是入讀中華廚藝學院。現時她是餐廳助理主廚，在這間主打新派粵菜Omakase的餐廳工作了8年，以傳統形式去製作賣相精緻的菜式。因為小儀指自己本身比較瘦，「好多時拎重嘢同拋鑊都差啲，自己抽空練習多啲。」她由低做起，累積經驗，並參加了很多烹飪節目和飲食比賽。她分享其中一個電視節目，要以「香港美食」為主題創作美食。此時，她想起一個街道名--「蘭桂坊」，「果到出名紅酒、酒類，於是諗一道菜叫『淺嚐』，一次過頭盤做6 SET酒精，有啤酒、清酒、紅酒、茅台、陳年花雕」。這道「淺嚐」，包括清酒花蟹萵筍絲、啤酒花膠啫喱凍、陳年花雕燒遼參、勃根地慢煮白玉、茅台藤椒墨魚仔、干邑龍蝦沙律筍，意念十分創新。

做小朋友的榜樣

每個人都會有讓自己努力的動力！而小儀的動力就是她的小朋友，「我小朋友其實都12歲，想做個榜樣畀小朋友睇，一定要做好每一樣嘢。努力唔一定有成果，但唔努力就一定無成果。學師時，一定要畀師傅返早啲，要畀師傅睇到作為女生都可以嘗試喺廚房工作。」

大起大落的兩年

小儀曾於2007年於烹飪比賽中奪得金獎，「人生之中嘅第一，覺得有人認同，沾沾自滿。」作為師傅及旁觀者的江師傅卻認為，「無諗過佢會得奬，仲要拎金奬，佢第一次攞就擺金獎，我見到佢好開心。但係我覺得佢係好彩，拎咗金獎之後，我覺得佢有少少驕傲，贏咗驕傲一定係失敗，其實唔應該咁快畀佢贏到金獎。」不知是否真的被勝利的感覺所影響，小儀再於2008年報名參加比賽，但結果不如預期，更被她形容為「輸得好徹底」。她表示：「果時可能無練習啦，到埋位果陣，唔忘記，輸得好徹底，連入圍嘅機會都無，個心情係插入谷底。」江師傅卻覺得這是好事，「佢唔失敗過，佢唔會知，佢以自己贏，我覺得係應該要面對失敗，你先會成長。佢輸咗之後，佢跌咗谷底好耐，但我哋係無扶過佢，係要畀佢自己克服，『驕兵必敗』4個字。」

調整心態再度出發

小儀也深明「輸咗咪重頭嚟過！」這個道理，她是這樣告訴小朋友及自己：「媽咪唔係樣樣嘢都識，只係過程知道輸咗喺邊到，贏咗喺邊到，將來咪會做得好啲。」她在調整好心態後，再回到餐廳虛心學習，用心鑽研蘊含自己故事的菜式。她曾在電視節目構思一個代表自己的菜式，「我覺得人生，甜酸苦辣一定必經嘅。」她指跟演員徐榮合作拍攝《拍檔廚房》，曾聽對方分享：「佢講過拍嘢就好似人生，過山車咁，有高有低，有起伏，辣人生邊個無經歷過，辣都有帶有少少甜，我每個菜都會有少少甜。其實人生每一個難關都會過，過後咗都會有甜。」野生虎蝦．沉香荔枝，小小的荔枝釀了流心餡，辣中帶甜。芋泥腸粉，加上朱古力醬和花生醬後，會跟真腸粉像真度近100%，賣相精緻，打卡一流！小儀指自己覺得自己人生甜酸苦辣都會有，而甜品，就是整個餐單中的總結。「食物係帶到畀人幸福，而甜品係我覺得帶到畀人開心。」江師傅讚小儀很勤力，「每個人都一樣，你無經歷，就無經驗，佢好勤力，乜都肯做，好肯學，優點係佢好好學。」但他同時指有小儀這個徒弟，不是一個自豪。他解釋：「你話係咪自豪呢，其實都因為佢自己，都唔關我事嘅，成長係你靠自己。」話雖如此，但小儀還是想讓師傅自豪，「我入行咁耐，好多師傅都係我嘅伯樂，江師傅係我跟得最耐，亦師亦友，每一次機會，即等於我每一次嘅成長，將來我會令你自豪！」

人氣牛角包窩夫
焦脆軟糯甜而不膩

吃甜點令人開心幸福！伍倩彤(Gillian)今集帶大家到將軍澳試試人氣牛角包窩夫，由藍帶出身的廚師主理，提供共11種口味！先試人氣必點的「曲奇焦糖脆餅牛角包窩夫」，十分足料。Gillian試食後表示，外脆似牛角包，內裡鬆軟，似窩夫口感。忌廉非常滑，甜而不膩，有日本牛奶打出來的味道。斑蘭咖央牛角包窩夫，表面灑上了椰絲和椰子脆脆，「口感好得意，唔會太甜。」如果不喜歡吃甜點的話，可以試試海苔肉鬆牛角包窩夫，同樣是份量十足，味道又甜又鹹，口味特別。