/public/tvbcom/article/images/202609/1d7bb9aa-808b-4781-a838-1be44d65f611.jpeg)
《美食新聞報道》今（29日）集「星級飯腳」阮兆祥（祥仔）會帶蔡景行（行仔）食「好西」。節目一開始祥仔便發揮搞「爛 gag」本色，一出現即問行仔「帶貨」有甚麼好賣時，更自問自答說︰「帶貨最緊要揀啱貨，最著數就係 my father、my mother、my daughter……」行仔向來以「爛」取勝，不甘示弱回應說︰「咁你唔好『賣甩』我呀。」力爭「金句王」稱號。
延伸閱讀：美食新聞報道｜旺角正宗肉骨茶 張與辰大推！湯底慢燉藥材味濃郁 馬來西亞人主理
祥仔帶行仔來到灣仔一間陝西西安本土美食餐館，原因是出於對麵食的偏好，他解釋︰「呢間舖頭喺內地都相當之出名，知道香港開咗分店，所以嚟試下。西安單係麵食已超過一千種，𰻞𰻞（音餅）麵係當中表表者。」他補充Biang Biang麵為非遺美食，製法亦別樹一幟，需要又揈、又撻、又扯，因為撻落枱的聲音而得名。
行仔初嚐此麵即大讚好味，他表示麵條雖長逾一米，但口感依然「滑捋捋」。他們同時點了肉夾饃及草原烤羊腿，肉夾饃做到夠乾身，不會油淋淋。
當吃到甜品老優乳酪；即手工乳酪時；祥仔以爛 Gag 埋尾，一本正經說︰「我平時食乳酪嘅機會唔多，平時都係陽光普照，好少有『雨落』嘅。」成功再下一城，證明薑是老的辣。
第二站，林映暉與波波（黃婧靈）來到灣仔皇后大道東，探索一間堅持手工製作的山東傳統餃子店。
「鮑魚蘆筍豬肉餃配秘製酸辣湯」份量誠意十足，餃子皮薄餡足，最驚喜的是每隻餃子內都特別包入原隻小鮮鮑魚，口感鮮甜彈牙。品嚐時更可將餃子浸入香濃開胃的秘製酸辣湯中一同享用，鮮美與酸辣交織，別具風味。
另一道「煎西洋菜豬肉餃」煎至底面金黃酥脆，咬開瞬間裡面超多汁。西洋菜天然含有硫配糖體，經切碎與慢熱烹調後能激發出獨特的濃郁苦香與菜香，與鮮甜豬肉餡完美平衡。
甜品方面有懷舊「棗泥鍋餅」，完美融合北方傳統麵食工藝與南方精緻甜點文化，外皮煎至香酥並撒上白芝麻，內裹甜而不膩的順滑棗泥，香氣四溢。
女神陳若思（Amber）跟葉靖儀（Michellle）來到尖沙嘴，幫襯一間泰國登陸香港的 Gelato 店，主要是慕名一款香港限定的千層蛋撻口味。Amber 雖然要保持靚靚參加真人騷，但仍難抵 Gelato 誘惑，她跟 Michelle 先各自點了招牌的特選開心果 Gelato，賣點是即叫即烘的窩夫筒。
Michellle 大讚雪糕口感非常綿滑，她滿足的說︰「雪糕面沾滿開心果碎，啖啖都食到開心果焗過嘅焦脆香味，又唔會太甜。」來到主打的拿破崙千層蛋撻 Gelato，Amber 發表食評表示雪糕充斥蛋黃加雲呢拿味，當中秘密是雪糕加入雲呢拿籽，她興奮說︰「增加香味之餘令口感更加充實，而且無添加、無色素，所以食多幾杯都唔怕。」
