美食新聞報道｜尖沙咀中菜獨創溏心金蠔 廚二代15歲入行學勻4國菜自立門戶

《美食新聞報道》今集「故事味緣」介紹位於尖沙嘴的中菜館，老闆洪師傅本住「學海無涯，惟勤是岸」，信奉活到老學到老的精神。洪師傅15歲學做粵菜，之後涉獵過日本菜、越南菜及法國菜，最終集大成在尖沙咀開檔賣fusion中菜。他出身飲食世家，父母從事酒樓及燒臘店生意，少時返家「零食」通常是一隻燒鵝髀。因此之故洪師傅自少便被家人安排入酒店工作，20年間做過粵菜、日本菜、法國菜，他解釋當中原因︰「嗰時細路仔好想學嘢，喺酒店咁多個部門都去勻晒。做中菜嘅好處，係可以紮實基本功，配合西廚的天馬行空創意，可以做出好多中西結合嘅菜色。」

洪師傅笑言就算現在經營餐館，依然在學習中。他自言每遇有樽頸位，就會回想過往所學融會貫通，透過不斷溫故知新「升呢」，成就店內多款招牌菜餚。有變化自意大利菜 Risotto的海膽燴飯及日本風配上他他製法的拖羅鹹蛋脆酥。最經典要數到為孝敬父母炮製的金蠔，洪師傅笑言製作過程猶如考牌︰「有次父母嚟到舖頭，我話老竇整款金蠔你食。佢嘅反應係咁甜，邊好食㗎。」洪師傅用煨鮑魚的方法用高湯將金蠔煨到入味，做到溏心效果，父母吃後猛讚掂。