美食新聞報道｜「星級飯腳」C君帶路笑住揾食灣仔地膽美食清單全港4大奶茶皇

撰文：微塵浮雲

發佈日期：2024-07-25 09:50 更新日期：2024-07-25 11:10

《美食新聞報道》第二十五集的「星級飯腳」是自出娘胎都長住於灣仔區，可謂「灣仔地膽」的C君！今集他帶着蔡景行（行仔）到他的私家美食List！先去大坑一嘆連陳奕迅(Eason)都有大讚的大排檔，之後再到灣仔駱克道，跟大家重遊一下組合農夫的發跡地！第一站：大坑施弼街C君表示：「呢檔喺大坑好出名，Eason仲話：『冇食過呢間嘢就等於冇嚟過大坑！』」他們更於拍攝期間偶遇著名籃球評述員及教練翁金驊，原來他也是這個大排檔的熟客，「食咗十幾年架啦，朝朝都喺到。」當C君指自己也是由細食到大，驊哥笑言：「咁我都見唔到你嘅？」C君即用手勢指：「因為你咁高，我咁樣呀嗎？我而家高咗好多架啦。」

C君指自己小時候，打完籃球會來用餐。他推介豬扒鹹牛肉炒蛋麵，而他的好拍檔陸永則喜歡雞翼麵。他解釋：「陸永鍾意雞翼麵，主要係因為佢唔鍾意啲餸浸到湯，但我相反，我好鍾意啲餸浸到湯中，尤其係呢個豬扒，因為佢係黑椒汁，個味好濃烈。」他又提醒大家食之前，要先用芝麻油、菜脯配麵。食麵當然不少得要飲品，C君提議試飲大排檔的凍奶茶，行仔即問可否叫少甜，被C君提醒：「佢呢到飲凍奶茶唔少甜得架，人哋呢到拎過全港4大奶皇之一，即係佢沖果個係最啱數，你仲要改人哋條數！」

他又指現時很多遊客慕名來食，「整體成個風味好正，茶檔喺室外，同埋呢到曾經係狗仔隊熱點。」之後他更帶行仔看當時狗仔隊常坐的位置。

第二站：灣仔駱克道

跟着，C君帶行仔到他跟陸永的舊日足跡，「我哋以前錄音就係喺呢幢商業大廈到，DJ Tommy同DJ Galaxy 嘅舖頭，咁佢哋簽咗我同陸永之後，做咗農夫嘅經理人合作。你哋聽果啲《456Wing》同《風山水起》都係喺呢到錄音。你諗下麥玲玲走上嚟錄音，而佢係無幫我哋睇風水。」行仔笑言：「係咪你哋畀唔起錢？」C君答：「當然係啦，所以你諗下佢個人係幾咁商業，朋友都唔幫下。我哋真係好老套地，錄完音成功咗，就去慶功！」

可惜的是，經常去慶功的牛雜店現已結業，現時為生果店，生果檔姐姐一見C君就讚他「好靚仔」、「真人靚過上鏡」。讓C君開玩笑說：「咁做唔做呢行好呀，你話，係咪，上鏡好鬼衰！即係話你。」行仔補充：「起碼真人都好嗎。」

C君續指：「當時真係同喜劇之王一樣，好老套，DJ Tommy話：『慶功，食牛雜』，我哋就會走嚟呢個位，有檔嘢賣牛雜最好食，但現時已結業。」他忍不住透過節目呼籲：「當時賣牛雜果位朋友，如果你真係有睇，我懇求你再開返。」行仔即追問：「你係咪入股？」C君回答：「入幾多都得，叫埋朋友嚟入都得，希望你再開返！有咩嘅話，你記得SEND去以下呢個電郵地址。」

他指自己經常光顧一間小食店，當中有炒糯米飯、糖水，「但我哋主要炒糯米飯，真係好好食，以街邊小食嚟講偏貴，現時已搬咗去大舖頭。」

第三站：灣仔告士打道

C君指這間麵家，是太太的哥哥介紹他食，主打厚切豬膶麵。他喜歡吃豬膶是源於他小時候有貧血病，「屋企覺得人豬膶補血，會煮豬膶湯，食慣呢個味，大個見到豬膶都會叫嚟試。豬膶即食麵，可能係香港獨有。」

厚切豬膶麵，湯十分美味，每塊豬膶夠厚，「咬落去完全淋，表面有爽脆質感，無酥味，有啲酒同薑味，落咗湯，令麵都好好味。」C君續指：「老闆原本喺深水埗開店，喺灣仔開分店，但不幸，一開遇上疫情，當時有叫我去灣仔幫襯。」行仔即問：「咁你有無收佢錢？」C君聽後即笑言：「我發現你個人真係好阿Bob。」但他隨即「補底」說：「阿Bob理財有道，我意思係。」