美食新聞報道｜「星級飯腳」曾比特帶路揾食！觀塘平民小店掃街 海邊嘆意式菜

今集《美食新聞報道》請來「星級飯腳」曾比特(Mike) 帶路揾食！最愛吃街頭小食的Mike就先帶蔡景行(行仔)試試自己喜歡的格仔餅和雞蛋仔！之後，他們再到Mike中學時期開始就一直光顧的糖水舖，重温學生時期必做的事。最後他們到將軍澳一間意式餐廳用餐，而行仔竟然敢與歌手出身的Mike進行「音樂battle」？結果當然是⋯⋯

第一站：觀塘通明街

行仔在與Mike等候美食期間，好奇的問對方：「你個頭幾耐電一次？」Mike回答：「我最近好懶，6個月先電一次。」他之後又補充指自己頭髮本身有少少點曲，不用電太多都可以。Mike和行仔看到「伯爵茶朱古力醬格仔餅」後，即忍不到「哇」了出來。Mike說：「啲醬流哂出嚟，如果大家鍾意榛子朱古力嘅話，呢個基本上係無得輸！味道甜而不膩，口感脆，即叫即整！」行仔則指：「食到伯爵茶味，好突出。」之後，他們也試食了「熱香餅芝士豬柳蛋雞蛋仔」，有糖漿、熱香餅、芝士和豬柳，加上楓糖漿，以甜味帶一帶鹹味。Mike指自己非常喜歡吃格仔餅，所以臨出發去下一間店前都要再咬一口。

第二站：觀塘康寧道

這間糖水舖是Mike的中學回憶，他指：「我喺到食咗十幾年，真心推介！」而老闆娘一見老顧客到來就指：「請你哋食」，Mike即不好意思地拒絕，更笑着拍拍行仔對老闆娘說：「唔好，老闆娘，我哋有金主，呢到呢到，有人付費！寄去佢屋企得架啦！」行仔即說出公司地址，更笑着說出Archie的名字。芒果大西米，當中的大西米煙韌有咬口，行仔指食糖水是中學生必做的事，Mike認為中學生可能零用錢不多，「有個環境靜靜地坐喺到食下嘢，我覺得回憶幾重要，三五知己咁聚埋一齊，幾好呀。」行仔問Mike參加完選秀節目後，是否即刻想自己可以入行？Mike指自己沒有，「我要多謝Eric Sir，當時比賽完咗之後就問我拎表演片段，交畀公司當時嘅老闆。當我收到OFFER，好開心，即刻傾後續，整個過程都好奇妙。」行仔即追問Mike會否想看他的表演片段，Mike好奇問行仔的目標是否想做歌手，叫他唱兩句，行仔即場唱了一句，就被Mike勸說先食糖水。

第三站：將軍澳唐賢街

Mike與行仔在意式餐廳等候美食期間，製作組要求二人即場進行「音樂battle」！根據主題唱歌，如果三盤兩勝，誰首先唱不出來就當輸，輸了要「埋單」，結果行仔當然兩盤直落輸掉，最終由行仔負責埋單！北海道帶子牛肝菌意大利雲吞，「牛肝菌好突出，醬食落有蒜蓉味同牛油味」。意粉中有濃濃的海膽味，黏着每條意粉，海膽配着芝士味道豐富。燒西班牙黑毛豬配富士蘋果醬，「薯條好多紫菜，豬肉好軟，醬有淡淡嘅蘋果味，唔會好甜好酸，剛剛好。」二人閒談時提及Mike經歷過多個節目，學到甚麼時？Mike指：「好多前輩，敬業嘅程度係我未到，佢哋係我嘅目標。好榮幸可以咁近距離見到佢哋點去準備表演，好值得學習！」 而歌迷最關心Mike何時開演唱會，他坦言自己都不知道。行仔再次自薦做嘉賓，Mike說如果我開到SHOW的話，會請他來看。行仔聽後即說：「有飛嘅話，呢餐我請。」，Mike講笑說：「呢個唔係梗局嚟架咩，咁樣架咩，而家啲主持真係唔得囉，本身都已經係佢請架嗎。」Mike在節目中感謝《美食新聞報道》邀請他上節目：「因為平時不能吃醬，好多嘢唔可以食，今日因為呢個節目我先可以食咁多嘢。」但全日都在吃美食的他，最後也自發跑步「還債」！

相機先食甜品推介！
可愛奶蓋配原個仙草刨冰

今集還有黃嘉雯(Carmaney)帶大家吃米麻糬和無添加超滑溜嫩仙草！她先點了芋泥米麻糬嫩仙草盛盤，麻糬呈糊狀，當中有米粒形狀，有奶香，口感綿滑。至於仙草，則有淡淡、甜甜的香草味，十分清新。大大份刨冰的香草芒果奶蓋雪花盛盤，奶蓋就像造型凝固着，可愛的想讓人相機先吃。Carmaney表示：「刨冰上啡色的就是仙草，因為刨冰唔係用水做，原個仙草放在雪櫃兩日，再用刨冰機刨出來，所以佢入邊不是水，而是用仙草製成的刨冰，會吃到一絲絲仙草，當中仲有芒果。而奶蓋會帶嚟少許甜味，感覺剛剛好！」

有趣的是，Carmaney試吃一後凍得忍不住瞇起雙眼，她笑言：「真係好凍，」她又笑言：「我呢啲有敏感牙齒嘅人，食刨冰，又要enjoy，又要覺得啲牙齒好凍。」

豬隊友 牛頭角通明街3號興達大廈地下3B號舖

港記糖水 (觀塘) 觀塘康寧道46號地舖

La Itameshi 將軍澳唐賢街29號藍塘傲格林威治村地下4B號舖
八時神仙草 尖沙咀厚福街5-6號多富閣地下2號舖