美食新聞報道第十九集｜長沙灣平民飯堂 追求性價比高的屋企味雞湯 每日新鮮煲 堅持只賣300煲

長沙灣有間平民飯堂，單靠一個湯，就做到午市和晚餐「停唔到手」，只因這個湯是老闆榮師傅每日新鮮煲，絕不賣隔夜湯，而且堅持每日只賣300煲，質素自然有保證！大集團大廚出身的榮師傅，自己開業仍堅持以工序較多、成本較貴的方式製作，但收費卻比大集團相宜。榮師傅表示心目中想開一間親民的小店，提供性價比高的食物給食客。他又對於食客的要求都會認真聆聽和改善，他表示：「我想做好啲！」

榮師傅入行約16年，已在大集團做到中菜大廚，約一年前自己出來開店。「兩者最大唔同係而家咩都要落手做，多咗時間埋爐煮，作為廚師，我都鍾意煮嘢食。」他指現時雖然工時長了，但可以與食客多點交流，開心之餘，滿足感也多了。餐廳現時主打湯鍋，「香港人都係鍾意飲湯，自己都鍾意飲湯，都同阿媽經常煲湯畀自己有關。湯畀我感覺係同家有關，見到客人清哂啲湯，好有滿足感。」當被問到為何要在上菜時加個爐時，榮師傅解釋：「因為我哋啲湯膠質較多，如果凍咗，食落去感覺無咁好，而且我覺得湯熱飲會舒服啲。」

招牌花膠濃湯雞
湯是餐廳的靈魂，很多湯鍋都是用它來製作，榮師傅堅持每日新鮮煲，拒絕用隔夜湯。「每碗湯都用足9個鐘去煮，每碗都也是落足心機。把雞斬件再用水浸約45分鐘，要早啲回來做。每煲湯純用雞同雞腳，雞腳可增加膠質。另外，雞要蒸餾個小時，水就係精華，留來做雞湯雞膽。先把雞燉6小時成清雞湯，再把雞煎好後再放入煲就成，這樣會增加雞香，有奶白效果。」
鮮茄豆腐濃湯海鮮鍋
榮師傅每日到街市買新鮮海鮮去製作，先把番茄豆腐到濃雞湯煮湯底，再放海鮮，可保存鮮味。他指這個湯鍋每日只限量12煲。他解釋：「海鮮鍋利潤不高，因為做街坊生意，價錢不能太高，所以想做性價比高嘅畀街坊。」

客家黃酒雞

「先煎香薑和雞，這個菜係客家菜多數給女士坐月飲用，補血、血液循環好啲，最後落黃酒。」

牛頭角隱世網紅店
限量特色麵包蛋糕

鍾意食麵包的你，請看過來！今集Jessica帶大家到訪牛頭角隱世網紅麵包店。這裡有排隊都未必買到，每日限賣40個的千層吐司！Jessica試食了原味布甸味，面頭有朱古力，包身金黃色，中間有忌廉。她表示：「布甸很清新，朱古力不會太甜，口感有啲似冬甩。」

韓式壓扁牛角包（開心果白朱古力味），非常酥脆，口感有點像蝴蝶酥。

月賣過千個黃梅醬生日蛋糕，混合牛油忌廉和奶油忌廉，讓口感格外滑。另外，蛋糕中間有生果，豐富味道層次，黃梅醬和生果酸酸甜甜，中和整個蛋糕，吃起來不會太膩。

一鍋雞

長沙灣營盤街145號天悅廣場B1B號舖

森林麵包

牛頭角振華道70號樂華商場地下111號舖