/public/tvbcom/article/images/202504/3657f295-1c50-45df-9096-060d7dc0df6e.jpeg)
今集《美食新聞報道》「大廚發辦」由連續16年榮獲米芝蓮一星行政總廚李悅發，帶領主持何泳芍（Honey）去到旺角廣東道一間麵店覓食！李師傅首推至愛「鮮豬膶麵」，老闆從湯底選料上都相當用心，採用大地魚乾熬製的魚湯鮮美十足，能有效降低血清膽固醇，被稱為「養肝之選」！李師傅喜愛用豬膶配搭店內辣椒油食用，店內廚師教切豬膶刀法：「豬膶唔係切嘅，係用拉嘅，因為佢一定要斜刀戒落去，咁樣可以令到佢嘅面積最大，同埋係最好食，厚薄方面會把持喺8mm左右，呢個口感就係最好食。」
淨雲吞，以大地魚粉提鮮，每日人手包製，每個雲吞都有4隻原隻蝦，真材實料！Honey食完大讚被雲吞皮驚艷：「又爽口，又有肉，佢個味有好多唔同嘅層次喺入面，好犀利！」二人第二站去到深水埗北河街一間百年老店品嚐甜品！豆腐花黃糖粉，以古法石磨磨豆，並放入特製銅鍋烹煮，豆味更加濃郁。煎釀豆腐，硬豆腐外脆內嫩滑，加入辣椒醬，酸甜的辣味再將豆腐的口感提升一個level！
地址： 順發粥麵家 (旺角) 旺角廣東道1002號地舖
地址：公和荳品廠 (深水埗) 深水埗北河街118號地舖
今集還有伍倩彤（Gillian）去到「香港小深圳」石門搵食！先從地鐵站C出口，一期商場內主打湖北荊州的美食小店。鍋盔是陝西及湖北等地的民間小吃，最早可追溯到武則天時期。鍋爐的溫度大約300攝氏度，拆好的鍋盔放置其中烤3、4分鐘即可出爐。紅糖豆沙鍋盔，外皮烤至脆卜卜，香濃芝麻味撲鼻，淡淡的豆沙香，不會太甜。第二間炸雞店，黃金鹹蛋炸雞，每一塊豆是去骨雞脾肉，啖啖肉超juicy！港式沙嗲醬炸雞，花生醬與沙嗲醬的香味與炸雞完美配搭，相當滿足！最後一間甜品店，Gillian打卡店內招牌布丁燒，被網民封為「全港Top3」！布丁燒從上至下分為3層，包括焦糖、雞蛋布丁以及芝士蛋糕、甜度適中，入口綿密幼滑。
黃嘉雯（Carmaney）打卡五星酒店無敵海景中菜廳，餐廳使用矜貴食材炮製精緻粵料！紅燒燕窩，條絲分明，呈現半透明狀，用高級金華火腿、雞肉等食材熬煮出的濃郁上湯。蠔皇四頭鮑魚，肉質肥美夠腍滑，口感細膩極入味。菜膽黃燜雞，餐廳經理揭秘用原隻雞熬製湯汁，雞肉呈現出誘人的黃色，且雞皮入口即融。
