港女野人奇異記第八集｜廖慧儀與過百條海豚暢泳 竟被嚇到喊？ ：我覺得佢好似⋯⋯

經歷了幾集辛苦爬山之後，4位港女野人何泳芍(Honey)、胡美貽(Nicole)、廖慧儀(Jessica)和陳若思(Amber)今集就轉戰海洋，到Kaikoura找只會在南半球出沒的海豚，跟牠們一起在海中暢泳！

與豚共游3大貼士

要看海豚就要遵守保育守則，例如不可以追着牠們，亦不可觸碰牠們等。Honey跟大家分享與豚共游的3大貼士，包括小鴨式下潛，好像做牠的動作一樣。第二，瘋狂轉圈，以及可以持續發出「lalalalalala⋯⋯」聲，「呢個音好高音，會令佢覺得你好有趣，所以會想游過來睇下你做咩，同你玩下咁。」她們坐船中途已看到很多暗色斑紋海豚Dusky Dolphins，牠們只聚居在南半球。Amber興奮地說：「好開心同壯觀，呢啲畫面好難想像真係會見到，有啲似發緊夢。」Nicole坦言知道可以看海豚，一開始都是抱平常心。「但無諗過一嚟可以有幾百條，我係呆咗囉，見到好多海豚好一致咁跳、一齊游，好難見到咁多海豚做咁一致嘅動作。」興奮的還有Honey，她表示：「係有好多海豚，我自己目測，一眼望落去，覺得有二百幾條。」她又覺得見野生動物非常難，「同埋你喺水下面，係3D，有一堆會游過嚟。」

與過百條海豚近距離接觸

Honey和Amber邊看海豚邊興奮尖叫，Amber更表示：「呢啲畫面唔應該係，可能喺香港睇到一隻海豚，我諗已經係用盡你所有嘅運氣，因為好難見到，但今日見到嘅畫面，我發夢都無諗過我會見到咁多，好難相信，我覺得我見到咁多海豚，有種感覺係不枉此生。」此時，Jessica在海中突然跟Nicole說：「我好驚，我有啲驚海豚。」她在上水後表示：「頭先喺我腳下面有好多海豚，我覺得佢好似鯊魚，我好驚呀！Tracy即上前安慰她指：「唔使驚！佢哋無攻擊性㗎！」Nicole亦有安慰她說：「其實放鬆啲，慢啲。」Jessica坦言第一次落水時，「有啲驚到喊，因為我一落到水我未有心理準備，一望落去水底就見到有好多條喺我下面，有啲驚同有啲怯。」到第二次下水時間，Jessica還是鼓起勇氣再嘗試，最終克服了恐懼，她表示：「無咁驚同見到海豚大佬，佢個身有啲花紋，好似有紋身咁架佢。」Tracy在完成活動後指，今日大家見到兩種海豚，第一種是暗色斑紋海豚 Dusky Dolphins，而第二是花名Dwayne的瓶鼻海豚(紋身明星大佬) Terehu(with Tattoo) 罕見度4粒星！Nicole認為這個地點真的很稀有，「如果要見到過500條海豚，我諗世界唔係到到有呢個機會，因為我都見過唔同地區嘅海豚，真係唔係咁樣多法，一定係因為佢哋保育生態實在太好。」Jessica則指自己學到的是要遵守大自然規矩，然後學識怎跟牠們相處。Amber覺得自己應該要愛惜海洋和大自然環境，先可以保護這些海洋生物。Honey指第一要自己先做好，幫手清海洋垃圾，或者多用環保東西。第二，就是要宣傳出去。

試食元祖龍蝦路邊攤！

Kaikoura是盛產龍蝦的小鎮，雖然如此，但當地捉龍蝦是有限制，市面上吃到的龍蝦，講明是不會影響到海洋生態平衡。4位港女野人就到Kaikoura最元祖的龍蝦路邊攤！看到大大隻龍蝦，眾人都興奮不已，Jessica更主動說請客，最後她們點了龍蝦、白飯魚及青口等。她們在超級靚的大海景下品嚐鮮甜爽口的白酒煮青口，以及肉實鮮味的清蒸龍蝦，主持試食後都高呼：「個膏好正！」Jessica指在香港很少見到這類餐車，除非是大時大節，但他們是長期開設，而且對着海邊，擁有靚海景！老闆娘更送她們炸魚薯條，她們試食後都說：「無炸粉味，純魚味，好大條魚肉，好新鮮！」

再探海洋生物！

除了海豚，港女野人們還有到Kaikoura Peninsula 石灘，尋找活躍於紐西蘭及南極一帶海域的紐西蘭海狗，在這裡旅客可以在指定距離觀察海狗，看着牠們「Chill」住睡覺及游泳。Honey分享：「留意到成年海狗瞓喺石頭上，BB就跳哂落水，好似泳池仔咁游水，因為BB仲未去得深海到游水，所以要喺泳池練習下先，而父母就喺到曬太陽咁囉。」
Amber在這裡好像跟大自然融為一體，周圍都見到動物。Nicole表示：「雖然好多人都有去睇海狗，但大家都有遵守規則，即係唔可以太靠近啲海狗，同埋唔會隨便餵佢哋食嘢。」