港女野人奇異記第二集｜港女野人各因一事淚灑神聖頂峰 挑戰從150m高直衝落山 團隊中最大膽的竟然是⋯

承接《港女野人奇異記》第一集，何泳芍(Honey)、胡美貽(Nicole)、廖慧儀(Jessica)及陳若思(Amber) 成功到達Mt Tarawera的第一個Checkpoint The Bench時，嚮導Jesse告訴她們當到達某個Checkpoint時，需要從150m高處滑行下山時，Honey堅拒相信，更指覺得有另一條路可以落山，到底，最後是否真的如她所預測呢？

碎石滿路 勇敢前行

4人繼續沿着充滿碎石的路上走，Jessica表示：「我覺得最難係上山，因為平時喺香港行山，通常唔會咁多碎石，步伐就好唔穩咁。」Nicole突然想起她們其中一次驚險行山的經歷，直言：「果次真係行到嘔電，我哋都無出過一句怨言，我哋港女野人唔係流架！」Amber更霸氣指：「我覺得下次要行10幾個鐘嘅山，因為我哋太多精力啦。」她們邊行邊驚嘆由高處看下去風景真的很美。行了一段時間後，她們到達Checkpoint 2 The Sadle，那裡可以眺望Wahanga及Ruawahia火山。Jessica指平時行山不會見到這個風景，「佢真係全部都係綠色嘅田、草同好多樹，香港通常都係樓。」Nicole讚嘆眼前的風景：「真係好似Wallpaper！」她們又回顧剛才行的路，認為因為路太多碎石，讓人好像在沙上走一樣，難以顧及重心，所以都不是太易行，要小心。「因為香港容易嘅山，一粒星果啲，真係平路嚟嘅，但呢到真係好斜。」

超「Rock」山路！

接着她們就向着山頂前的最後路段，屬爬山段的Checkpoint3 Hillary steps，這個階段需手腳並用，沿途有很多碎石，導致眾人「Rock」聲四起！而因為大家都要爬着走，導致物件很容易掉下，讓Honey忍不住笑言自己一路爬山，一路treasure hunt，「因為前邊啲人跌嘢，我就喺後面執。」這段絕不易行，Jessica邊爬，下邊碎石不斷滑落，令她十分害怕。另一邊廂 ，Amber爬到某處時，不知自己下一步該爬往哪一個石，正當她迷茫之時，嚮導Hare前來協助，一手扶她到安全地再往上爬。當製作組問Hare眾女的表現如何時，他長「Erm」了一聲後，笑言：「So far so good」，如果10分滿分的話，Hare都會給她們7.5分。

成功爬到山頂 感觸落淚

經過一輪艱辛爬山後，眾人終到達checkpoint 4 Summit，眼前美得像明信片的風景，讓人忍不住高呼實在太美！大讚：「唔似係呢個世界上面嘅嘢，似係人哋畫出嚟！」「似係仙境！」「基本上我哋行咗差唔多半個鐘已經到咗Summit，佢係好高，比起其他山，點算呀，覺得自己好渺小。」Hare分享，他們的祖先，在這裡種下根，在過身後，亦埋葬在這裡，他們的能量就會儲在這座山上，下一代來到便吸收走，再傳給下一代，有種生生不息的感覺。主持們都感恩天氣很好，讓整個環境都很美，藍天白雲。Honey指連風也有神聖的感覺，「將你啲唔好嘅嘢帶走」，Jessica認同，更指：「我一路行都覺得一路吹好似梳理緊啲bad energy，帶走咗咁。」Honey感動地擁抱其他人後，竟忍不住哭，直言：「呢到實在太神聖」，她事後接受訪問時指自己也解釋不了為何想哭，她形容：「係有種好強烈、龐大感恩嘅感覺，而我好難去表達出來，所以就⋯⋯」

學習放下 成生命最美痕跡

當她們繼續向前走時，在沿途發現有大石堆，Jesse指是這些石頭是用來代表失去的人，把石放下，就是把對方放下。Nicole在找了一舊石後，覺得比不上爸爸在她心目中的份量，於是她重新選了一舊又大又重的石頭，她把石頭放下後，含着淚說：「因為佢喺我心目中好重要！」、「咁好似做咗心目中最想做嘅事。」
Amber亦感觸指：「有時有啲人係突然離開，但可能有啲時間大家無好好珍惜」，她哭着拿起兩塊石頭說是代表她很重要的兩個親人，「好想擺佢哋喺呢到。」她補充：「我好似無好好珍惜過以前我哋喺一齊嘅時間，突然有一下感動，好想紀念同多謝佢哋。」

勇敢向前走 挑戰「極斜」之地

接着，她們即將要開始嘗試落斜，看到斜度後，Nicole忍不住問Hare有沒有歌或舞可以增加勇氣，於是Hare教她們跳Haka毛利戰舞。她們勇敢地滑行一小段路後才發現，真正的「極斜」之地，還未跨越！checkpoint 5 Main Scree就是那個高150m，斜度50-60度，是次行山路的「Big Boss」！Honey看後即說：「連路都睇唔到！」而到這個時候，她終於明白，大家之前並非講笑，而是真的要滑行落山！正當4位主持還在緊張地想着怎麼辦時，就發現製作組中兩名Camman正勇敢和敏捷地走下山，讓她們驚訝他們的勇氣，「佢哋真係好犀利！」而作為嚮導的Jesse，更是半跑下山。Nicole指跑會好一點，擔心不跑會整傷膝蓋，但Honey及Amber就擔心跑會跌倒受傷。而Hare建議大家跑，因為也是有趣嘅部分，最後他親身示範邊跑邊跳下山。Jessica和 Nicole嘗試半跑下山，而擔心自己會跌倒的Amber經建議下決定先坐下再慢慢滑下山，她指這樣幾好玩，有種滑梯的感覺。Honey在滑行下山時險些跌倒，她在訪問中表示：「喺衝落山嘅時候，我係幾驚架，因為我對斜路係有少少恐懼，我以前細個試過滑雪撞到自己失咗憶，所以都幾驚，不過，我覺得，無呀，你踏出個步，你跑咗第一步就停唔到落去，所以就唔會驚架啦！我踏咗個步開始，我就跑咗落山底，唔知發生咩事。」Jessica和 Nicole在途中等Amber，並一人一手拖住她一起走，Amber表示：「我覺得佢哋陪我落去，我就會覺得件事好似都唔係好難，同埋好歡樂，好似一下突然間變得唔驚。」