港女野人奇異記第九集｜廖慧儀陳若思為節目急考潛水牌 與何泳芍胡美貽凍潛海底清垃圾

https://www.youtube.com/watch?v=FkYz1Nd8Ss4&ab_channel=TVBPlus保育環境人人有責！今集《港女野人奇異記》，4位港女野人何泳芍(Honey)、胡美貽(Nicole)、廖慧儀(Jessica)和陳若思(Amber)將會跟Kaikoura一間潛水公司的教練一起做義工，到海底清理海洋垃圾！Honey解釋，作為盛產龍蝦的小鎮，Kaikoura以前採用舊式捉龍蝦方法後，很多時會漏了龍蝦籠在海底，雖然現時已保育得很好，「但海底你知架啦，好難一眼睇清，個籠喺邊，然後清走佢，要靠人手一啲一啲咁清上嚟，我哋今日去嘅呢間潛水公司，就有自發做義工去清龍蝦籠嘅活動。」Nicole認為這個活動很有意義，「因為我潛水潛得多，叫我執嘢真係未試過。」Amber和Jessica更特意為了這個活動，去考潛水牌，而Amber更於上潛水堂前，跟Honey學兩堂游水，她希望「海洋生態可以美好一啲。」

海水凍 勁大浪！

到了潛水當日，水温只有13度，能見度6m。讓有潛水經驗的Nicole也不禁緊張起來，她指「我有少少緊張，未試過潛咁凍嘅水」、「呢個係南極嘅水喎！」而Amber見到「潛水前輩」Nicole和Honey都話緊張，讓她更為緊張，她說：「同埋我哋係越潛越深，應該係越嚟越凍喎，坐低定定驚先！」
今次跟她們一同潛水的教練 Haylee和Zach都擔心4位港女野人，因為未試過潛這麼冷的水温，加上有任務需要執行，所以安排了兩個潛水，第一個是熱身，到目的地潛潛看，第二個就是正式執海洋垃圾。當Nicole、Honey和Jessica成功落水後，Nicole指：「雖然而家太陽好大，但啲水都好凍，好難想像一陣再落多12或18米會有幾凍。」而Amber因為太害怕而遲疑，最後她在教練鼓勵下也成功下水。但當因為當時，海面極大浪，讓她感覺很暈。Honey即安慰並提醒她如果想嘔時應怎處理。

一波三折的第一個潛水

此時Jessica突然大叫，原來她發現自己未戴鉛帶。Jessica表示：「第一次潛水時，無力感好重，因為我平時潛水都係兩手空空，今日拍攝時要拎住部相機，變咗無手去幫自己戴鉛帶，身邊又無朋友喺附近，所以我就好大聲咁叫，大聲程度好似叫救命咁。」最後Jessica在Honey幫助下，成功戴好鉛帶，但都因為重量不足，而未能潛水。而Amber因為嚴重暈浪，身體不適而選擇上船休息。Nicole表示其實第一個潛水，頭半支氧氣樽都是在等Jessica，但她明白Jessica當時的感受，「因為你一嚟就落去就無咩嘢，但當你喺海上飄浮，一路都潛唔到落去，就會慢慢開始驚。」最後因為在水中的各人氧氣樽快要用完，所以決定先上水，就這樣完成了第一個潛水。眾人回到船後，作為自由潛水教練的Honey好自然負起照顧大家的責任，她在評估環境後，為了大家的安全，最終向眾人說：「我哋而家要做一個決定，你哋想落嘅話，你哋自己考慮清楚，我自己，喺咁嘅環境入面，去唔到多一個潛水。」她補充：「今次海面狀況比我想像中差，比起我平時嘅能見度，係得一半，我自己嘅能力都CUT一半。」、「所以我覺得果一刻，如果我唔講，有咩事，我會後悔一世。」Jessica表示：「其實我明白，佢(Honey)一個好似湊緊我哋3個，心理壓力都好大。」Amber指有少少失望，「雖然第一個潛水，我唔係參與好多，但我係身體不適，我始終都有嘔，的確唔適合，因為我真係有嘔。」而到了落決定的時候，Amber表示：「雖然我都唔舒服啦，但我都諗住第二次嘗試一下可唔可以落到去，畢竟都嚟到呢個地方，無理由唔去潛水架嗎。」Jessica指自己跟Amber特登考了牌，「無理由唔一齊落去潛，好嘥。」Nicole認為她們4個人是一齊來做任務，想完成同一件事，「我覺得少咗個人都唔可以。」她知道Amber很想落水，於是Nicole提議讓她慢慢落，而Nicole則指因為還未做到自己要完成的事，是不會這麼快放棄。

重燃熱血之心 能否成功完成任務？

編審得知大家的想法後，向教練 Haylee和Zach詢問可否再讓她們嘗試。教練們經過討論後，決定可下潛人選為Nicole及Honey，她們會負責回收龍蝦籠，而Jessica及Amber簡單潛水便可。Nicole臨下水前安慰Amber說：「既然一場嚟到，做唔做到另一回事，起碼盡過力嗎，係咪？」4位港女野人在互相打氣後再度下水，更成功下潛。她們在海中看到很多大型珊瑚及多種海洋生物。她們游了一會，終見到目標「龍蝦籠」！Jessica指：「有份見證同扣好啲垃圾上嚟，覺得好有意義。」Nicole直指很感動：「我覺得用個扣去扣龍蝦籠嘅時候係好感動，好似太空人做任務咁，扣一個扣一個，好有使命感。」最終她們找到兩個龍蝦籠，上船後齊心把在海底扣好的龍蝦籠拉上來，大家齊齊完成任務！Honey指很為大家驕傲，「因為佢哋係初學者，其實今日個水真係唔容易，果個水温咁凍，水況係咁，大家都就嚟嘔嘅狀態，但佢哋都仍然好想好想去堅持呢件事，呢個可能就係港女野人嘅精神。」Amber認為雖然不是清理很多籠，「但起碼都出咗一分力，有總好過無，所以我覺得無100分都有60分，唯有多啲經驗，潛水潛得好啲，再收集多啲籠，再清理好啲。」