港女野人奇異記第一集｜港女野人返嚟啦！勇闖紐西蘭 尋找隱世秘境 挑戰體能極限

由何泳芍(Honey)、胡美貽(Nicole)、廖慧儀(Jessica)、陳若思(Amber)主持的 《港女野人》發掘本地郊遊，學習不同技巧，體驗「野人」生活，深得觀眾喜愛！來到新一輯《港女野人奇異記》，4位港女野人衝出香港，遠赴紐西蘭，欣賞地球上最純淨的大自然絕美景色，更走訪毛利人的聖山「Mt Tarawera」！Jessica在出發前表示：「《港女野人1》已經係兩年前嘅，我哋拍咗咁耐學到好多嘢，學識點野外求生，點喺危急情況照顧自己、踩單車、睇指南針等，乜都有玩過。」Nicole不約而同地說：「今次《港女野人2》，嚟到紐西蘭呢個地方，就係希望可以實戰返我哋學過嘅嘢。」

第一站景點竟然是⋯⋯

4位港女野人經歷了十多個小時的機程到達奧克蘭機場，她們走出機場後指：「感受到陽光嘅味道同香港好唔同。」因為成員們的露營工具未齊，所以製片及旅遊達人Roxie上車後便說：「我知你哋有啲嘢要買啦，我哋而家就會前往紐西蘭最大城Auckland，其中一個嘅最大Shopping Mall。」Honey聽後笑言：「估唔到我哋《港女野人》呢個節目嘅第一個Item係shopping呀！」這個新開超級大型商場距離機場只需20分鐘車程，坐火車或巴士都能到達，一站式有齊幾間室外用品店。

準備迎接新挑戰！

在登山前一日，製作組問幾位主持是否準備好行山所需的用品時，Jessica指自己已經準備好，「首先係尿袋(流動充電器)，呢個好重要，因為我哋要用手機Search好多嘢，行嘅路線、指南、仲有暖包同手套。」她們又分配好各自要帶的東西，或負責工作，例如Nicole會負責帶蚊怕水及防曬，Honey就指自己學了一些毛利語，負責與對方溝通。對於自己即將出發到Mt Tarawera，Amber坦言心情好緊張。Honey表示：「我聽聞係好似智利果個咁，係有彩虹色，因為有唔同礦物質。」Nicole補充：「同埋係當地人私人嘅聖山，如果唔係佢哋帶我哋去，就入唔到去。」正式出發前，Honey表示：「今次嚟紐西蘭，第一樣嘢要做嘅係得到紐西蘭原居民毛利人嘅祝福，因為紐西蘭係好崇尚大自然，好尊重佢哋原住民傳統嘅地方，所以一定要嚟到佢哋嘅聖山，希望我哋今次呢個旅程可以順順利利。」

坐過山車一樣的車程

Mt Tarawera是屬於毛利人很重要的聖地，亦為隱世秘境，所以要找專業的嚮導陪同，登山嚮導Jesse在接載她們後，作出簡單介紹，並在正式駛上山前，提醒因為山路崎嶇，如果感到不舒服或暈車可以出聲。結果真的如他所說，Jessica大叫「醒哂」又指似坐過山車。而Honey在途中忍不住說自己不太舒服，要求調位至駕駛座旁位置。經過一輪辛苦的車程後，眾人終到達景色優美的Mt Tarawera，Nicole指這裡有點似大峽谷，「呢到嘅大自然係極受保護，我以前行美國或香港，你都會覺得只係觀光點，但呢到唔係觀光點，係大自然留返落嚟嘅痕跡。」

學習毛利人打招呼方式 登山前先進行聖禱

主持們解釋：「以前啲部落都會喺呢到，加上個山本身有好強勁嘅能量。」、「喺火山爆發前，好多酋長過咗身會將佢哋埋葬喺到，所以對佢哋嚟講係好神聖。」另一位登山嚮導 Hare教她們簡單毛利人打招呼方式，Jessica指學打招呼很有趣，「因為香港人都係握下手，HELLO，而佢哋係會鼻貼鼻兩次，咁我覺得，無論邊年紀咩身份，都係咁打招呼，係幾特別。」

而在正式出發前，主持人先為兩位登山嚮導送上禮物，再於Hare的帶領下，進行毛利人聖禱後，一行人便正式出發登上這一條既簡單，又擁有秘境，CP值很高的登山路線！

行落山變「滑落山」？

今次港女野人們要挑戰的Mt Tarawera，是位於毛利人集中地Mour Tarawera之中，距離Auckland車程約4小時。Mt Tarawera由3個火山連成，總長3.5公里，中間有5個CheckPoint，需時約2至3個小時。雖然話路程屬較短而且簡單，但仍有不少路段需小心，因為周圍都是懸崖，途中更要爬山及衝落山！在出發不久，主持們已說路上較多碎石，而且好窄，不可以兩個人一齊行。她們途中經過Wahanga火山口，據了解。這座活火山曾在1886年爆發。當Nicole跟Jesse閒談時得知自己將要在其中一個Checkpoint由高處滑行落山時，嚇得即向製作組確認。眾人在到達第一個Checkpoint The Bench後休息，嚮導Jesse再解說一次她們到某個Checkpoint時，要從150m高處滑行落山，幾位主持都難以置信。Amber在接受個人採訪時說：「佢話要喺路衝落去，我個感覺都係覺得佢係講笑，打斜咁行落嚟喎，我覺得係只有山羊做到嘅事，人類點可以喺咁垂直嘅地方企喺到，會好危險。」而Honey更指自己：「一秒都無信過佢」，她到本集節目尾聲還是不相信Jesse說的話，更指住另一條橫路，說可以由那裡行落山。Nicole聽後說：「係要滑行，佢已經講過兩次。」Honey笑言：「咁一陣你哋行呢到落，我行果到落，我哋喺山底見！」最後，主持們究竟是「真係要滑行落山」還是Honey的推斷正確呢？