/public/tvbcom/article/images/202504/fc1604e9-fbdf-4fc5-8ed3-3f306f4c8520.jpeg)
火火、吳若希（Jinny）及曾展望主持的TVB直播節目《奇情谷》，昨晚（28）日一集邀請來李蘊（Renee）任嘉賓，2022年李蘊與金融才俊羅冠章結束7年婚姻，今次是她離婚後首度亮相電視節目，主持火火亦指是其復出的「第一炮」，李蘊回應：「當然啦，因為我以前第一個訪問都係喺TVB做，同埋我喺度都拍過好多嘢，所以返嚟呢度都好有親切感！」:quality(80)/public/tvbcom/article/images/202504/f5c60e19-0dbf-4d37-9de8-655453f27aa7.png)
李蘊親回14歲濕身相爭議
主持人一開始就「火力全開」，提及12歲童星出道的李蘊，當年曾因拍攝一輯性感濕身相引起極大風波。被問到為何會拍攝這一輯相，李蘊回應指當年入行年紀很小，只是當作一個普工作去對待，應雜誌要求去拍攝，怎料牽起好大的風波，登上各報紙頭條。她表示：「其實當時咁細個咁多輿論壓力底下嚟講，（都唔係好適應）好懵懂，其實係應該好驚嘅，但我唔係好知驚，反而我身邊嘅人好擔心，好緊張我嘅情緒。」
自爆當年與閨蜜鄧紫棋被同位男士同時追求
談及與好姊妹鄧紫棋G.E.M.以及何超蓮的相識經過，李蘊透露17歲時拍攝電影先認識G.E.M.，同年紀同星座的兩人一拍即合。吳若希問到當年是否有一位男士同時追求她與G.E.M.，李蘊坦言確有其事：「有發生過呢件事，（有競爭咪friend唔到？）咁我地都唔鍾意佢！」二人的友情更加堅定，之後又透過G.E.M.認識何超蓮。
即場連線閨蜜何超蓮 對方爆料即淚灑現場
何超蓮更透過電話訪問力撐好友復出：「Renee人又靚又有義氣，係我圈中嘅真心閨蜜，如果你之後再出歌，再出返嚟，我都會繼續支持你，其實呢啲說話平時都講好多。」隨後她更大爆李蘊真實一面即搞喊好姊妹！她說：「佢呢個人好怕麻煩人，好多時都係過咗件事，就輕描淡寫講返出嚟，唔會想將自己嘅唔開心帶畀朋友。好似今次叫我call-in，佢勁唔好意思，係咁話『麻煩到你』其實有咩所謂呢？」哭成淚人的李蘊哽咽說︰「原本我哋嘅背景已經唔一樣，人哋嘅說話已經唔好聽，我覺得我哋友誼係我哋自己知就得。」
