/public/tvbcom/article/images/202504/f4ef543c-1ee3-4617-96fe-fdb1b638e572.jpeg)
今集《美食新聞報道》由主持蔡景行（行仔）孖倪嘉雯（Carmen）帶路復活節食、玩好去處！首站二人去到荔枝角長順街一間親子餐廳，兒童套餐之一粟米忌廉開心小熊配煎三文魚，以少油少鹽的烹調手法製作美食，細佬食得開心，大人放心。行仔自揭喜歡小熊飯的一個致命原因，成功勾起Carmen的好奇心，行仔揭盅：「對於一個小朋友嚟講，滿足咗你粟米湯撈飯嘅感覺，同埋湯底味道夠濃郁，撈埋飯就咁食已經覺得好過癮。」第二個兒童餐，粟米南瓜忌廉汁紐繩粉配茄汁雞肉丸，紐繩粉又名特飛麵，起源自意大利熱拿亞，口感特別，比意粉更加煙韌，肉丸的茄汁酸甜適中。
地址：大樹先生的家 荔枝角長順街15號D2 Place TWO 1樓
啟德郵輪碼頭附近有一間由米芝蓮大廚主理的中菜親子餐廳，主打摩登浙江菜！開胃檸檬酸菜魚，每日採用新鮮運到鱸魚，原條即劏即煮，每一片魚肉肥美鮮嫩，吸滿酸菜湯汁勁惹味，Carmen大讚：「唔係一擺落口就會散晒，（肉質）好結實」，清爽酸甜相當開胃。除了魚肉之外，配料也很豐富，包括寬粉、豆芽等。店內另一招牌，低溫香烤牛肋骨，油脂豐富，表面一層燒到微焦，配上甜甜的照燒汁極美味。主食超凡黑松露炒飯亦不可錯過！即日起到21號，小朋友入場都有復活節禮物及復活節裝飾，適合一家大小影相打卡！
地址：紙飛機親子空間 九龍灣承豐道33號啟德郵輪碼頭B區北面平台
今集還有伍倩彤（Gillian）打卡三十年老字號甜品店，即使原舖搬遷依舊成為街坊至愛！老闆獨創玫瑰酒薑汁湯圓玫瑰露酒餡，手工搓湯圓皮，Gillian形容口感好似酒釀丸子：「佢呢個酒味甜品嚟講都比較濃少少，但係未至於真係會醉，佢係好香嘅酒味，餡咬落去有少少流心，同埋超香嘅玫瑰露酒味。」丸子奶皇西米露，被網民稱為液體版流沙奶黃包，一咬即爆流沙奶皇，相當有驚喜！芒果西米奶冰，100%全牛奶製成，沒有添加一滴水及調味料，幸福感爆燈！
林映暉（暉哥）去到荔枝角品嚐法越fusion菜，這間餐廳以傳統菜式結合創新做法，開業僅一年就有過百好評！椰汁燴青口配炸油條，整條油炸鬼被掛起，將叻沙椰汁與新鮮青口結合，味道豐富。火焰鐵板美國頂級肉眼，廚師在熱騰騰的鐵板淋上玫瑰露，瞬間燃起熊熊火焰，肉質粉嫩軟熟，帶來視覺與味覺雙重衝擊！越式街頭燒鵪鶉配淮鹽桔仔汁，鵪鶉肉表面燒至微焦，炭香十足！
