巴黎奧運2024︱17歲張心悅200米背泳遺憾出局 自揭學師姐何詩蓓賽前聽歌減壓

港隊17歲女將張心悅今午5時出戰女子200米背泳初賽，第一組出賽的她以2:17:32秒完成賽，總成績第26名，無緣晉級。張心悅賽後接受方力申（小方）訪問，講到首次奧運之旅已結束，問到心情如何？心悅說：「好難得參加到奧運會，體驗到咁熱鬧嘅氣氛，自己表現方面有好大進步空間，始終兩場都游得麻麻地，特別係呢個主項（200米背泳），有啲 Sefl doubt，呢兩日畀自己好大壓力，發揮得唔好，覺得心態要慢慢學識調節。」小方即時安慰她，指她年紀還很小。問到今次賽前有否請教師姐何詩蓓？心悅說：「口頭上冇，但我哋同一個休息區，我都注意到佢游之前會坐喺度聽歌，我都有嘗試，但我聽緊期間個心都係好混亂，要學識點calm down自己。」問到之後的目標？心悅說：「目標冇改過，希望游番自己最佳嘅時間，自從達到A標之後都冇乜接近番個時間，要慢慢調節心態，學識點樣唔好咁緊張，唔好畀咁大壓力自己。」