巴黎奧運2024｜無綫攝製隊第一時間獨家專訪張家朗衛冕奪金！張家朗寄語港人：就算唔如意，都要堅持到底

張家朗在男子花劍決賽勝出奪金不久，無綫巴黎特派專員何振然及陳銘泰趁著還未舉行頒獎禮前，第一時間邀請家朗進行獨家專訪！何振然問到家朗連續兩屆創造歷史感受，尤其最後一分別具爭議性時，家朗說：「當時都覺得可惜，每次都覺得係自己，教練都係後面提醒我，唔好理嗰劍，係你又好，唔係你都好，Focus喺下一劍到，所以我就照教練所講咁做。」何再提及港隊現時有兩金一銅佳績，問家朗之前見到江旻憓VIVIAN奪金是否強心針時，家朗說：「好開心，佢一直都好努力，戥佢好開心，見到（港隊）劍擊成績一直有進步，對我嚟講都係強心針，我都要盡自己全部能力打到每一劍。」何振然訪問中又提及家朗全家現身巴黎支持家朗，問到家朗有甚麼說話對家人說，家朗笑言要將金牌送給到場支持他的爸爸：「送個生日禮物畀佢（爸爸），因為佢都係前幾日生日，起碼喺佢哋面前冇丟架。」並感激全港觀眾捱夜支持：「好多謝大家捱夜支持，聽日返工都仲睇我，好多謝大家，希望我冇辜負每一個人嘅期望。」

至於同為運動員的陳銘泰相當激動，全程哽咽著訪問家朗，問到家朗兩次創造歷史感受有何分別時，家朗說：「上一次係第一次唔敢相信啦，今次當然都唔敢相信，但今次我教練係法國人，我可以喺度攞到冠軍，對我意義非常好，教練照顧我都幾辛苦，我自問都係幾煩嘅運動員，佢都控制好情緒去照顧我哋，佢練習同心理上都有輔導我。」陳銘泰大讚家朗在最後要決一劍三次時表現強大，並問家朗有甚麼秘訣寄語港人捱過艱關時刻，家朗說：「我想話大家需要唔好放棄，要堅持，就算遇到好多挫折都好，記住自己為乜開始，就算自己唔如意嘅事，都要堅持到底。」

何振然和陳銘泰同時邀來家朗的法籍教練Gregory Koenig（Greg）訪問，Greg感謝大家對家朗的支持，又為張家朗感到自豪，同時為作為香港人感到驕傲。講家朗最後「決三劍」的爭議，他指對家朗非常有信心，相信係會拿到最後的一分。