巴黎奧運2024｜國家隊「Twins」王柳懿、王芊懿奪金 一屆連奪兩金技壓16隊對手

今日凌晨（11日）舉行韻律泳雙人自由自選決賽，國家隊韻律泳姊妹花王柳懿、王芊懿壓軸出場，取得289.6916分，喺17組選手中排名第4，而喺尋日（10日）嘅技術自選比賽，佢哋取得276.7867分，喺17組選手中排名第1。 兩場合計，王柳懿同王芊懿一共攞到566.4783分，奪得金牌！

呢塊金牌已經係國家隊韻律泳第二金！8日凌晨，國家隊喺團體賽中得到總分996.1389分，以81.7968分嘅超大優勢力壓美國奪金，打破隊史41年來「奧運零金牌」嘅魔咒，更破除歐美國家對韻律泳嘅壟斷，令該項目於奧運最高頒獎台首次出現亞洲面孔，而王柳懿、王芊懿都係團隊其中兩名成員。