巴黎奧運2024丨港隊乒乓女將朱成竹不敵日本選手 0:4落敗32強止步

港隊乒乓球選手朱成竹在上輪直落4局淘汰中華台北後，今日（31日）迎上日本選手平野美宇爭奪16強資格，最終以11:13、5:11、8:11及9:11，局數0:4止步32強。

特派專員何振然賽後第一時間與朱成竹進行獨家訪問，雖然無緣晉級，但朱成竹對於自己今日的表現，認為打得好過上次：「打得好過上次，上次覺得冇得打，今次喺場上面都諗盡辦法，自己有領先嘅時候，但都覺得有啲唔自信。」續指自己擅長「發長球」，而今天因限制導致無法打「發長」，故有點欠缺自信。

朱成竹擁有豐富國際賽事經驗，不過今次是首次參加奧運女單項目，她直言很享受現場氣氛：「覺得個feel好唔錯，好鍾意，有時打波隔籬會一齊加油打氣。」

至於可有與其他港隊隊友杜凱琹（阿杜）互相打氣及慰問，朱成竹指阿杜剛參加混雙比賽，連日來都有多項賽事，因此不敢打擾對方：「冇講好多，驚影響到佢哋，因為我知佢（阿杜）唔開心，佢都冇同我講，因為我今日都有比賽。」