飛蟻｜村屋遭受白蟻攻擊 事主旅行前做錯1件事更嚴重！ 滅蟲專家談防蟲秘笈：多雨天氣注意2個關鍵點

夏季來臨，天氣潮濕加上氣溫升高，容易出現飛蟻。一名居住村屋的網民在Facebook群組「香港滅蟲關注組」以匿名發帖，表示早前去旅行5日，回家後發現住所布滿飛蟻，整間廚房都是飛蟻的屍首和排泄物。

村屋遭到白蟻攻擊 做錯1件事加速白蟻繁殖

貼文可以見到，事主早在出發前1、2天已發現家中有白蟻，並即時找滅蟲公司職員上門檢查，當時職員指「唔可以即時搞，要等條蟻路出番嚟先追蹤到」，惟事主噴殺蟲水和清潔，結果弄巧成拙，「5日就出晒嚟。我第一次遇白蟻，驚得滯諗住快啲噴殺蟲水殺死佢哋，點知滅蟲公司話咁樣仲衰」。事主形容白蟻繁殖速度快、破壞大，目前只能交給滅蟲公司處理，「簡直攞命呀，希望快點搞掂，仲有執番啲牆身」。

帖文一經發出，引發不少網民關注。有網民大呼恐怖：「睇到都好驚」、「5日你以為唔耐咩？1隻蟻后，當1日繁殖1,000隻，你就知道拖會麻煩」、還有網民分享自己的經歷：「第一要解決係你抽油煙機鋁筒內要加網，唔好畀飛蟻入屋」、「白蟻入咗牆身，唔好用藥水，冇用」，還有網民分享自己身邊有請滅蟲蛀公司的經驗：「真慘，不過而家啲滅蟲好勁，拎個唔知咩檢測機掃吓就知邊度有。我公司有3窩，佢睇一睇滴幾下啲藥水，再拆開查吓地腳線有冇，約1星期後再嚟檢查 之後就死晒，嚟咗2次，收3,000幾搞定」。

如何避免白蟻禍？專家談防白蟻秘笈

針對夏季潮濕多雨天氣容易產生的白蟻問題，TVB節目《健康360》邀請滅蟲專家陳偉強談防白蟻秘笈，居家注意以下兩點：

• 黃昏時刻需要關窗，換氣扇都要注意關閉 避免白蟻飛入房內

• 如果發現有白蟻存在，於燈光下面擺放一盆水 引白蟻飛入水中光源處，無法再飛

專家提醒大家，若不幸有飛蟻進到屋內，一定要即時消滅，只要用吸塵機吸走便可。發現有白蟻肆虐的跡象，已不是能自行處理的情況，應盡快找專門處理白蟻問題的滅蟲公司處理。