大埔宏福苑｜宏福苑居民發文自白 感嘆20年成長痕跡一晚清零 網民：人無事最緊要

大埔宏福苑五級大火釀嚴重傷亡，有居民發文描述家園盡毀複雜心情，更指火災令自己的成長回憶清零，樓主更言「This is my first death」（這是我的第一次死亡）、「我由出世到而家都喺呢度住」、「原來人係可以突然間失去所有嘢，突然發現我身上嘅嘢就係我擁有嘅全部，廿幾年人生累積嘅痕跡，好似無存在過！」

閱讀更多：大埔宏福苑五級火 眾星祈福轉發救援資訊+招募義工

樓主亦憶述宏福苑家中細節「我屋企嘅牆係有花花嘅瓷磚，地下係綠色白色嘅碎分地磚，拼埋一齊毫無美感可言」、「我張床喺窗隔離，個窗貼咗藍天白雲款嘅遮光貼，我瞓喺度望嘅時候，有一朵雲望落好似一個老人家嘅側面」、「廁所門貼咗一張我小學時貪得意痴上去嘅立體貼紙，上一次望佢嘅時候發現原來已經甩曬色。」

字裡行間，流露出他對這個成長地方的深厚感情。樓主亦自言念舊，連當年的DSE筆記亦珍藏至今，過往僅因遺失一條頸巾便撰文悼念；然而，面對眼前家園的「死亡」，巨大的悲痛卻令他感到無從宣洩：「唔知可以寫啲咩。」

不少網民亦留言安慰樓主：「人無事就係世界冠軍呀！大家齊齊整整就係家」、「你有乜嘢出句聲，香港人幫到嘅一定會幫你」、「最緊要人無事」、「現在還有生命氣息是還擁有的，屋可以再有的，希望你快快渡過難關」、「人除左生死，其他都是擦傷」、「人在，會可以再創造新嘅痕跡！」