CCTV直擊藍田夾公仔舖被洗劫 男子零遮面邊偷邊跌錢勁狼狽 網民鬧爆猖狂：明搶完全唔驚！

今日（12日）社交平台流傳閉路電視片段，發生於藍田某夾公仔機鋪，可見兩名男子潛入店內撬開櫃桶，大肆搜掠現金，其中一人身穿黑色連帽衛衣男子，有戴上口罩掩人耳目，惟另一名同黨卻完全無遮無掩犯案；露臉賊人更疑因自備的環保袋容量不足，在瘋狂將大量現金塞入袋時顯得手忙腳亂，甚至出現「一邊偷錢一邊跌錢」的狼狽場面。店主寫道「尋人啟事，竟然咁猖狂，連樣都唔遮，有冇人識佢」。

閱讀更多：車Cam片｜私家車爬消防車頭連續犯禁 揸上路肩＋左邊超車 網民睇唔過眼：想點呀？

隨後店主在留言交代：「原來慣犯黎，上個月已經去過新蒲崗同埋葵廣爆格，又係唔點遮樣」！

片段曝光後在網上引起熱烈討論：「咁樣爆格咁兒戲」、「上次先偷完新蒲崗個間咁快到藍田」、「下次唔好擺咁多錢喺舖頭」、「明搶完全唔驚」、「真係完全唔驚咁，完全唔遮樣」、「連大袋都唔帶一個…咁吾專業」、「報警啦，有財物損失！」