ATM撳錢竟出$500爛銀紙？事主抱怨遭職員質疑是假鈔 中銀有回應

怎料樓主指遭職員懷疑是假鈔，「做一輪手續又簽文件，要三個星期至到一個月，如果冇問題先可以入我戶口，o靚仔質疑我張銀紙」，樓主指當時嬲爆，「我即刻發脾氣，叫佢搵人睇cam，又鬧邊一個入錢落嗰個櫃員機就一清二楚啦」。

貼文引起熱議，有人認為：「應該有人用存錢機攝入去，但又會呃到部機咁勁」、「唔完整一張銀紙緊係要填表驗鈔啦，人哋跟程序做就X人質疑你，少咗隻角喎」，有聲稱曾於銀行工作的網友說：發鈔銀行除非懷疑係假鈔，先要填form送去警方調查（所以先要兩至三星期）！不過如果係爛鈔，無論你喺銀行定喺街度收返嚟，發鈔行都要即刻換畀你！如果銀行堅持係假鈔，你可以要求即場報警，再決定送不送去驗！如果他不肯定，你可以拿回鈔票去其他分行再換！至於睇cctv呢個冇可能，因為個箱錢有機會係金庫解返嚟，根本睇唔到邊個掂過！」

中國銀行回覆傳媒查詢時指，於8月19日收到相關客戶的查詢，經檢驗後，已於8月23日退還款項予客戶。中銀強調，該行的自動櫃員機提供的鈔票均通過嚴格檢測，已剔除殘舊鈔票，確保鈔票適合繼續流通使用。該行設有既定準則驗證殘損鈔票，包括鈔票的損毀程度、防偽特徵的完整性等，相關驗證時間及兌回價值視乎鈔票損毀情況而定，當收到客戶查詢後，會儘快跟進處理。