6年苦等獲派坪石邨！港媽初見井字型設計心慌慌　街坊列3大優勢力撐係「富貴邨」

有港媽近日分享，透露她與家人輪候公屋約6年，近日終於收到「二派」通知，獲分配至觀塘坪石邨黃石樓一個約 329 呎的單位，月租僅 $2,189。樓主指他們原於 2018 年 9 月以二人家庭身份開始申請，隨後因家庭加入新生嬰兒而成功獲派樓，她亦於帖文中向網民請教：「二派坪石，請問環境點樣？」

閱讀更多：10歲細佬買走家姐一包薯片 超毒舌紙條笑爆網 網民反讚：呢啲男仔好難得

貼文亦引起熱烈討論，大批網民一致力撐坪石邨，甚至將其形容為「富貴邨」！原因在於坪石邨地段交通極佳、民生生活配套極其成熟，以及獨特的井字型設計在安全性上反而更佳：「交通咁方便，落樓就有港鐵彩虹站」、「落樓有大量巴士線」、「附近有大型商場，配套齊全」、「落樓又有街市同超市喎」、「井字間隔夠實用」、「舊樓空間大，同埋安全性通常高啲，大吉利是發生大火都無咁危險，仲易走啲添！」

亦有網民建議樓主簡單裝修，因屋邨樓齡已逾 50 年可能面臨重建，但亦有人反指重建或是 20 年後的事。樓主坦言對「井字型」設計及通風感到不安，甚至憶述參觀同類單位時，直視地面會感到害怕，惟網民安撫指坪石邨圍欄較高，不刻意俯瞰便無礙，更稱此類單位「可遇不可求」；最終樓主表示會先到場實地視察，直言只要不近垃圾房且不悶熱，極大機會接受編配。