:quality(80)/public/tvbcom/article/images/202507/8b9a9908-1ac8-47a0-86f0-19e6508687c7.png)
380呎公屋和283呎居屋應如何抉擇？有女網友在「香港公營房屋討論區(FB版)」FB專頁發文，「380呎市區新公屋換啟德283呎居屋，你會後悔？」樓主透露一家現居於深水埗白田邨，單位面積是380呎，最近以綠表方式購買啟德一個283呎居屋單位，並已付13萬元訂金，惟她畀訂金後愈想愈擔憂。
單睇數字380呎大於283呎，惟有網友指出公屋和居屋面積計算方法不同，「公屋計可用面積，居屋計實用面積，會細過公屋好多。」有人計算，以樓主現居的380呎公屋，估算等同於居屋的450呎，而樓主計劃購入的283呎居屋，估算等同於220呎公屋，從而推算細了約160餘呎面積，難怪樓主不禁說「太細」，又大嘆已付了13萬元訂金！
有網友力撐樓主「撻訂」，擔心樓主一家四口唔夠住，留言：「唔啱用就撻，搵十幾萬易過搵返百幾呎。」、「撻訂，你一生人只會後悔蝕咗13萬，唔撻訂，你要後悔嘅嘢唔係用幾十萬衡量到。」「、「撻訂輸13萬，夾硬買個影響人生嘅決定輸一世」。亦有網友認不要衝動撻訂：「新屋自己屋，細少少冇所謂」、「相信冇人會甘願住一世公屋」。
