網上流傳一則貼文,有網民在facebook群組「車cam L(香港群組)」發文,上載了一張1973年的車輛違泊罰單的圖片,留言:「73年牛肉乾交幾多錢?」相中所見,車主在「九龍城道美亞廠對面」違泊,定額罰款為30元。
貼文引起熱議,有網民驚訝罰金嚴苛,「當時普通打工仔都冇$30一日」、「維他奶兩亳子支的年代。」、「70年代普通打工仔得幾百蚊,計返通脹等於依家過千」、「嗰時1個普通文職,1個月幾錢人工,上網睇得300至350元,罰$30都好金」。亦有網民錯重點,大讚該警察寫字靚,「手字寫得幾好」、「啲字好靚呀!」