10年前大廈通告翻Hit！「人定勝鼠」英文神翻譯勁搞鬼 網民笑爆：香港人先寫得出

近日網上舊圖翻HIT，再度流傳10年前某大廈的通告照片；通告時間顯示為2016年2月，內容提醒住戶「假如有見到老鼠，不要害怕，請通知我們」，並以「人定勝鼠」作結；至於同場加映的英文版本更加搞鬼，寫成「If you see rat(s) you need not to be afraid, please inform us, We’ll overcome. We are heroes. They are zeros.」，字句直白又帶點張力，令不少網民印象深刻！

閱讀更多：車Cam片｜藍牌中港車逆線行走迴旋處 網民大嘆：大地任佢行！

不少網民留言大讚通告寫得有創意：「香港人自由創作，好有幽默感」、「英文正過中文」、「本來諗住中文正，人定勝鼠，點知英文都好正」、「好有創意」、「文筆有料到」、「最佳翻譯獎得主」、「呢啲告示真係只有香港先做得出」、「認真同幽默，好似集合晒香港人嘅精神」、「介乎嚴肅同滑稽之間，令我覺得好親切」；「估唔到個立案法團咁玩得」、「以前睇到個陣覺得勁好笑，直情cap低埋係電話留念驚睇唔返！」