00後列6大理由租樓就夠 揚言「老咗收返父母層樓」 網民反駁：同養兒防老有咩分別？

「買樓」是不少都市人的目標，最近竟有網民以「其實依家00後的確建議租樓」為題，發帖舉出6大原因，剖析00後為何只需「租樓」，惹來網民一片嘩然，即睇樓主所列6大原因：

閱讀更多：九龍居民初入上水工作 車程逾1個小時 大嘆「去深圳仲快過去旺角」 網民有共鳴：身心疲累

樓主指出，大部分00後的70後父母大多「已上曬樓，供完」，意味下一代未來有機會繼承物業；第二，現今年輕人流行經營社交媒體、直播帶貨或做KOL，樓主直言「00後識直播帶貨又識做KOL，你估仲係上世代要返工搵錢」；第三，樓主指出「00後又唔生」，意指新一代配合不婚不育的生活方式，支出相對較低；第四，樓主亦言「老咗收返父母層樓，再做逆按揭都夠過世」，惟現實中一般安老按揭計劃要求借款人年滿55歲或以上。00後在55歲前仍需要自行解決龐大的住屋開支及生活費；第五，樓主指「65歲仲有老人金，加埋綜援，2公婆加埋成萬幾蚊，公屋租都3000內」；最後則是大多父母有替子女打算，樓主言道「d父母打到開口牌，話層樓遲早係你」。

帖文惹來網民熱譜：「咪即係食上一代紅利」、「點解咁肯定會送？父母唔識自己逆按過世咩」、「講到唔養父母咁」、「可能父母會做逆按歇養自己」、「諗法有好多變數，重未計兩老病」、「呢個諗法同養兒防老有咩分別」。