:quality(80)/public/tvbcom/article/images/202507/1293db84-80fe-4e38-9e20-13b339377e54.png)
世上只有媽媽好！前日（7月29日）本港天氣不穩，天文台先後發出黃色、紅色、黑色暴雨警告信號，多區出現水浸現象，對不少市民造成影響。有網友有暴雨期間拍下溫馨一幕，上載影片並留言：「當我猶豫如何過河。。。呢位媽媽二話不說就背住小朋友過河了。」片中所見，有一位女人背着一位朋友走過大水氹，女人二話不說涉水而行，小朋友則為媽媽擔遮，畫面溫馨。
片段引來不少網友大嗌感動，留言：「媽媽mode:自己濕唔緊要呀，最緊要個小朋友冇濕」、「做媽媽真係毫無猶豫，細路濕左返到學up成日唔舒服，大人濕有好多方法可以解決」、「係愛呀哈利」，亦有網友分享自身經歷：「以前細個個時都試過，返學落大雨，條路仲水浸，阿媽揹住我間水行，仲要揹完我再揹細佬。」亦有網民笑言：「犧牲一對鞋好過犧牲兩對鞋。」
