食茶碗蒸驚見「贈品」修正石 餐廳事後做呢樣嘢補鑊 事主無奈：我應該笑定嬲好？

有網民分享，指其早前在餐廳享用茶碗蒸時，意外發現蒸蛋內藏有一件透明塑料包裝、標有簡體字和「贈品：修正石」字樣的石頭；餐廳方面已向顧客致歉，補送茶碗蒸並提供折扣作補償。樓主寫道：「食蒸蛋仲送贈品，呢間餐廳真係唔話得；補償係送過第二份蒸蛋，然之後俾咗個八折我，我應該笑定嬲好？」貼文引起熱議，網民指餐廳處理方法不當，認為「正常都要成餐free先啦！」、「網購碗碟送贈品，一定係冇睇清楚就用」、「咁我覺得報食環會抵d」。

閱讀更多：小巴駕駛期間不關車門 乘客嗌驚「有安全帶都冇用」 網民鬧離譜：隨時一鑊熟

話你知修正石是甚麼！

修正石（又稱修整石、Correction Stone）是一種專門用來維持磨刀石平整度的工具，常見於廚房或工匠領域。其主要用途是將因重複使用而產生凹陷或不平的磨刀石表面磨平，確保刀具在研磨時能維持合適角度與表現。修正石通常由高硬度物料如碳化矽、白剛玉或金剛石製成，有些產品會以贈品方式附送於餐具或刀具套裝內。