青衣停車場驚變御用廁所 的士司機疑日日就地小便 街坊怒轟：唔怪得成日咁臭！

近日有網民發文控訴，指青衣長發邨多層停車場屢次有的士司機疑隨處便溺，更指對方幾乎「日日」在同一地點就地解決。從上傳的相片可見，現場停泊了一輛打開車門的紅色的士，涉事司機背對鏡頭、面向停車場邊緣矮牆，疑似正在小解。

閱讀更多：九巴男全程挖鼻屎兼狂捽 網民憂影響車廂衛生 同行女伴一反應成焦點

畫面曝光後隨即引發熱議，大批街坊留言炮轟司機行為缺德：「拍片影底車牌同小便情況，交俾食環同警方去處理」、「所以啲停車場後樓梯特別大臭尿味」、「唔怪之得，個度成日都咁臭啦。街坊你做到野呀，有車牌搵埋佢個樣就最好」、「樓下商場咁多廁所⋯點解咁鍾意係度屙，一係就後樓梯屙舒服啲？」、「咁唔好再話啲尿味係流浪貓狗屙啦」。