阿伯ATM撳錢疑遇電騙！幸開Speaker意外揭露行騙過程 港男熱心制止事件獲激讚

有網民分享指其早前到櫃員機撳錢，目睹一名長者疑接獲詐騙電話！樓主指目擊阿伯疑似接獲電話詐騙，「好彩阿伯全程開speaker，如果唔係今鋪真係銀行存款等於零」，樓主續指電話中的人聲稱伯伯戶口凍結，「要求佢去匯豐總行，但因為太夜會幫佢係atm解凍返，之後一步一步教佢，入提款卡>入密碼>揀轉帳戶口，再呃佢話輸入解凍號碼」，樓主見情況不妙，即出手制止阿伯，「個詐騙電話叫阿伯唔好理我，仲話我偷佢資料，偷佢錢，會報警拉我，想叫阿伯走先，賊喊捉賊。」樓主最後指阿伯似乎不太相信他，「雖然阿伯當時信個電話仲多過我，仲叫我唔好理佢，最後佢都離開左呢，希望平安啦。」

閱讀更多：港男如廁撞正裝修！火花四濺射入廁格 網民爆笑教路還擊

影片流出後，不少網民留言稱讚樓主，認為他一時好心，卻阻止了騙子有機可乘：「好人一生平安」、「樓主好好心地」、「其實應該拉住個阿伯，拿拿聲打電話叫警察黎幫佢」、「要比個讚你」、「感恩有你」、「你好好人，希望阿伯最後收咗線」、「樓主好人 ，希望阿伯冇俾人呃！」