長洲男疑嫌警號嘈阻消防車出勤！叫囂「冇嘢就躝」兼拍打車身 消防員爆Seed拋金句獲激讚

網上流傳影片，長洲一名男子懷疑不滿消防車警號聲浪過大，竟在街頭上阻礙消防車出入 ！影片可見，一輛消防車正亮起警號及閃燈準備執行任務，卻被一名男子擋住去路，雙方正在對峙 。初時男子高呼「50米喎」，消防員隨即回答「邊度50米啊，你自己望下」，之後男子更稱「度下囉」！消防員更斥男子「就係呢啲人搞到香港咁」、「會有報應㗎」；男子則回應「有嘢就講，冇嘢就躝！」之後消防員便駛走，男子亦追趕兼拍打車輛，影片隨之結束。

閱讀更多：網民拉紅線撮合疑似詐騙園員工 網民笑爆：結婚請你去KK園飲 金牌媒人Bob都畀Like：有料到

根據香港法例，任何人在無合理辯解下抗拒、阻撓或阻延消防處人員執行職責，即屬犯罪。一經定罪，最高可被判處罰款港幣 10,000 元及監禁 6 個月 。此外，若涉及阻塞緊急車輛通道，更有機會觸犯《消防（消除火警危險）規例》，最高罰款可達港幣 100,000 元，並可每日額外罰款 。

不少網民亦留言炮轟長洲男行為：「就係呢d咁既人搞到香港咁樣」、「人地車係救命用，你自己去玩又阻住人呢D就真好自私」、「最尾打車果吓破壞政府公物，刑事毁壞」、「阻礙公職人員執行職務」、「消防鬧得好，最憎啲人阻消防阻救護車」、「如果真係因為呢d人阻礙救援，佢真係害死等救援嗰個」、「呢啲人橫蠻無理只會搗亂！」