長沙灣冰室下午茶不足1小時趕客走？食客呻疑遭侍應眼啤啤收碟 餐廳有回應

早前有網民大吐苦水，指自己早前傍晚5時許，光顧長沙灣區某茶餐廳，本意則是「見佢卡位夠多，約人傾計就最好」，惟當兩人聊得興起、且碟上仍有一大塊豬扒未食完，侍應就多次上前企圖收碟。之後侍應更以「現在下午茶時間已過，要做晚市了」做理由，配合「眼睥睥」的態度，向樓主下逐客令。

閱讀更多：港鐵羅湖站爆打鬥事件 疑因眼神問題引發毆鬥 壓地揮拳兼壓頸 6人被捕

樓主表示當時僅為傍晚6時半，入座不足一小時且奶茶還剩一大杯，餐廳亦未滿座，無標明用餐時限，故文中斥道「若你好聲好氣都好啲，我都可以體諒！真係離曬大譜」。

帖文一出隨即引發網民兩極激辯！部分網民力撐事主：「這樣的待客態度實在不可接受」、「入座不足一粒鐘就咁」、「呢間嘢一開張就已經好多負評，所以唔會去」、「上個月我後面枱倆公婆，下午茶未坐夠1小時就催佢走」；亦有網民體諒餐廳經營壓力，反指「一個Tea Set食30分鐘乜都食完」、「六點半都做晚市啦」。惟大批網民隨即反擊，直指事件的核心爭議在於侍應態度惡劣：「個個都話樓主坐咁耐，不如睇清楚樓主想呻既原意」、「只要態度正確同顧客解析清楚，顧客才會明白原來如此」。

據悉，涉事冰室在長沙灣及港島區均設有分店；有傳媒就事件向該餐廳查詢，職員回應時澄清，餐廳內部其實並無設定固定的用餐時限，但坦承在繁忙時段或門外有食客排隊等候時，的確會希望食客能夠「大家合作」交枱。不過，該名職員再三強調，即使遇到爆場情況，一般都會「畀客人坐個零兩個鐘」，絕不會以無禮態度「話趕人走」！