:quality(80)/public/tvbcom/article/images/202507/7101db77-5a32-49bb-aa7e-774a7c530b17.png)
近來天氣月酷熱，出一出街都大汗疊細汗，身邊有幾個臭「狐人」出沒都不足為奇！近日有網友發文指被超勁臭狐同事嚇怕，樓主說：「話說有個女同事臭狐超勁（已離職），勁到佢黎我個位問野、行開仲會有餘韻唔散。」樓主續指該同事臭狐太勁，強勁氣味下「攻」到大家躲避，「全team人走晒去pantry，我已經覺得好奇怪，因為班友好少全部離位，直到我返埋自己位，突然聞到陣好勁嘅臭狐。」
樓主續指對氣味十分敏感：「開始乾嘔，呢下我仲未諗到係佢，拎支香水噴自己。」怎料樓主一轉身發現該女同事原來除了外套，「佢着咗件露膚度好高嘅背心，X你個X，我即刻走去pantry避難，好彩條友離咗職，唔係唔知點捱過個夏天。」
貼文一出，不少網友直言感同身受，有人留言分享經歷：「我都有個咁既女同事，office在該樓層全層，女洗手間是一架（格）大的，每次只能去一人。有次我感冒咳緊，佢去完洗手間後我去，一開門臭到我咳到嘔，佢陣臭味stay左喺度！最神奇係咩？佢之前係Private Banker 🫠我完全唔明，咁臭點見客？」、「公司以前也有一位...🤢...每次佢回位坐低, 辦工椅坐墊被壓縮排出空氣，就會把氣味炸往四方八面💥...一股冲擊波把旁邊的同事全部嚇跑....😂」同時亦有人同情一眾「狐人」，留言：「尊重🫡啦，佢應該d汗都係臭，主因食太多、煎炸、辣野累積引致，無人天生係無緣無故臭的，總知就係唔檢點同自律。」、「可能自己聞唔到，所以唔知有臭狐！」
臭狐可以說是隱形的社交殺手，以下5招可以改善臭狐困擾！
1. 保持腋下清潔，適時刮除腋下毛，防止細菌附着增生。
2. 保持腋下乾燥，流汗時仔細擦乾，尤其在大量運動流汗之後，洗澡效果更佳。
3. 勤於更換衣物，異味就換衣服。
4. 使用止汗劑、清香劑改善症狀。
5. 飲食盡量清淡，減少吃牛肉、豬肉，減少吃油炸、辛辣、酒、蔥、薑、蒜、蔥等重口味食物，以及多吃青菜。
