:quality(80)/public/tvbcom/article/images/202610/4cbc45d3-467b-40c2-9891-048ae5925361.png)
網上流傳一段車Cam片段，直擊一輛電單車於公路行駛期間，與前方的Van仔距離十分貼近，期間Van仔與電單車同時切線，更一連跨越兩條車線切入至右方快線。惟電單車疑因車速過快，切入快線後一度剷上路肩，更險些撞向石壆，場面非常牙煙，上載影片的網民無奈留言勸諭：「揸電單車要小心D」。
影片曝光後引發大批網民熱烈討論，不少人直指涉事鐵騎駕駛行為極度危險，並質疑其當時意圖跟車爬頭但最終失敗，留言怒轟：「有經驗唔會咁爬頭,遲早出事,講完.」、「唔知佢為乜，痴咁貼... 妹下妹下咁搵自己條命教飛...」。
此外，亦有網民對連切兩線及跟車太貼的習慣表達強烈不滿，留言指：「最憎呢啲由慢線上高速嘅車一野直插去快線，仲要唔係快，中線有鬼咩，阻X住晒」、「電單車本身優勢就係提速快，想爬頭又唔留多d 位應變，跟到咁x貼完美擋哂自己視線」。
