車Cam直擊｜深水埗的士司機疑當街小便 網民大鬧無公德心：隔籬公園有廁所

一段車Cam片網絡瘋傳，攝於深水埗區一帶馬路，可見一輛靠邊停車後，司機隨即落車走到車尾，背向鏡頭疑似當街小便，全程毫無遮擋，期間有其他車輛及途人經過，非常誇張！而該尷尬場面，更被後置車Cam清楚拍下並上載網上，引起網民熱烈討論。

閱讀更多：港人嗌雲吞麵＋凍飲埋單$103嫌貴 網民撐冇問題：明碼實價，你情我願！

大批網民狠批司機行為欠公德、兼且影響市容：「左手邊咪成個公園有廁所，點解要喺度解決」、「真係好離譜」、「睇到好嘔心」、「連後Cam都唔識避，到底有幾急」；亦有人嘗試替司機「開脫」，指司機長期塞車工作，難免有「好急都頂唔順」的時候，但即被網民反駁：「幾急都唔可以影響到人」、「其實隔離公園已經有廁所」！

翻查相關法例顯示，《公眾潔淨及防止妨擾規例》（香港法例第132章）訂明，任何人不得在街道、公眾地方，或任何市民可清楚看見的地方隨處大小便；一經首次定罪，最高可被判處第2級罰款，即5,000元，如屬第二次或其後再被定罪，則可被判處第3級罰款，罰額升至10,000元。