:quality(80)/public/tvbcom/article/images/202604/8f5d92c8-7a77-46e5-b954-45f841bb4183.png)
日前（13日）有車Cam片段流出，可見一輛城巴14號線巴士，正沿筲箕灣道直線行駛；去到影片中途，巴士轉右線駛上柴灣道天橋時，卻驚見有女路人正在天橋石壆閃出，更與巴士車身一線之隔，畫面非常牙煙！樓主則言道：「呢個女巴士司機，大癲，條路勁闊，衝落個行人度」。
閱讀更多：車Cam片｜黃大仙大媽亡命橫越龍翔道 司機急煞免釀禍 一動作被懷疑是慣犯
+1
影片隨即惹來網民熱議，有網民不理解為何行人在天橋石壆出現，「點解嗰度有行人？」、「樓主搞清楚，應該係行人癲啲」、「行人路在左邊，右邊根本唔應該有行人出現」、「個行人根本玩命」，有知情網民則指巴士駛上柴灣道要靠右，「呢個位所有巴士都係行右線上斜路」、「靠左線上咪會刮底囉」、「巴士公司指引，巴士行柴灣道要靠右上，靠左會刮底」，亦有網民指車長亦應小心駕駛，「就算行人做錯，都唔好駛到咁埋」、「都應該避下」、「睇住個行人」。
