:quality(80)/public/tvbcom/article/images/202605/98c4d960-2f56-4723-88e4-3bc2bac5d40a.jpg)
近日有車Cam片段流出，事主文中呼籲「泊低架車記住鎖門」。影片可見，深夜時分事主正將私家車停泊於路邊，期間一名形跡可疑的男子走近，突然伸手企圖拉開車門，意圖不明，令事主大吃一驚；事主遂發聲喝止，陌生男見狀即轉身離去。事主文中指「條X無端端想開你對門，即時X佢，立即粒水（退縮）走人」。
閱讀更多：車Cam片｜屯門惡男泊街洗車疑涉刑毀 向前車掟石潑水舉中指 疑不滿車主一舉動 網民籲報警
這段偷竊疑雲即惹來網絡迴響，惟網民反應兩極：「見倒後鏡冇收，以為冇鎖門想偷野」、「報警喇，告得入」、「大把類似呢個人咁，博大霧。屯門紅橋附近就有人咁樣被拘捕」、「有錄影就最好啦，佢一開門就報警，拉得」。
有人認為陌生男未必想偷竊：「如果真係要偷嘢，會唔會咁蠢望完司機位有人都照開門，最多話佢認錯車開錯門」、「似交收認錯車」、「可能同款車開錯門」、「係咪call咗車認錯」。惟有網民即列出盲點反駁：「開車前明明見到車牌」、「因為佢一野開司機位，唔係另外三道門」。
