:quality(80)/public/tvbcom/article/images/202605/bfcc638e-615a-4298-99e7-6427ab38d657.jpeg)
近日有網民分享車Cam片，可見一輛私家車正由堅尼地城科士街轉入爹核士街，駛至轉角位時，剛好遇到一對男女正拖手橫過馬路。由於兩人未有察覺有車駛至，司機便響咹一下作提醒，豈料此舉竟惹來對方不滿；男方隨即回頭向司機舉了一下手，身旁女方更直接舉起中指泄憤；最後兩人若無其事地繼續過馬路。
閱讀更多：港鐵大媽疑不滿後生女坐關愛座 出手狂扯對方頭髮兼起腳 網民揭早有前科：有需要我願意作證
片段曝光後掀起兩極熱議，有網民狠批該對男女過馬路完全不望車：「行快少少應該撞到喇」、「好心望下車啦」、「兩個大安旨意咁款」、「唔睇下有冇車就踏隻腳出馬路」、「唔好害司機吖」。
另一派網民則認為行人擁有道路優先權，指出司機響咹純屬「出啖氣」：「行人永遠都係道路優先權首位，你呠佢純粹出啖氣，佢又未必會行快啲，俾人舉中指又要唔忿氣，何必呢」、「停一停由佢繼續行咪算囉」、「只可以話，撞到行人、嚇到行人，必定不小心駕駛」、「呢個位係冇紅綠燈行人過路處，有人過緊馬路，啲車要停低讓行人好正常」。
運輸署《道路使用者守則》指出，駕駛者應讓路予正在橫過或在路口等候的行人，強調即使行人胡亂過馬路，司機在法律上均有絕對責任提防及避免撞倒對方，故必須時刻讓步。不過，《過馬路守則》亦同時提醒行人不能「大安旨意」，為確保絕對安全，過路前即使認為無車，也應先站定並看清楚四周及遠處情況；若有車輛駛近，理應先讓汽車駛過，並再次察看及聽清楚確定沒有其他車輛後，才可步出馬路。
