:quality(80)/public/tvbcom/article/images/202606/24099529-96dd-4fb7-ac6c-b2182bac4714.jpg)
馬路如虎口！據網上流傳的一段車Cam片段顯示，將軍澳坑口日前（24日）發生一宗拒讓途人過路事件。當日早上約7時41分，一輛白色私家車沿集福路行駛，駛至港澳信義會小學對開的斑馬線時，正有一名攜着書包及手挽袋的男學生步出，私家車未有收慢的跡象，更直接駛過斑馬線。
閱讀更多：車Cam片｜中港牌左軚車司機駕駛時雙手離軚撳電話 網民怒轟：自殺式駕駛！
片段中清楚可見，私家車當時與男學生驚險擦身而過，男學生幸未有被撞倒，惟仍嚇得目定口呆，原地「窒步」不敢妄動，直目送該私家車絕塵而去。
+2
涉事司機的行為隨即惹起網絡公憤，大批網民紛紛留言怒斥司機：「痴線，危險駕駛」、「司機無意識停車」、「爭啲車到人」、「佢應該呢幾個月內都冇乜機會再犯，因為佢最少停牌六個月」、「如果個學生睇唔到佢，已經撞低咗」、「架車直行直過，咁劃條斑馬線出嚟做乜」、「好過份呀！爭啲車到人」、「片主放大個司機樣交埋俾警方」、「司機心中有路，唔睇人，遲早一熟獲」。
根據第374G章《道路交通（交通管制）規例》第31條，一旦觸犯「沒有讓斑馬線上的行人先行」罪，首次定罪最高可被處以罰款5,000元、監禁3個月及記3分。若車輛在過路處未有減速而對行人構成明顯危險，涉事者更有機會被控以罰則更重的「不小心駕駛」或「危險駕駛」罪名;「不小心駕駛」最高可判罰款5,000元及監禁6個月並記5分；而「危險駕駛」罪的最高刑罰更可達罰款25,000元、監禁3年、記10分及停牌至少6個月。
