車Cam片｜土瓜灣現港版「撞人族」？阿婆過馬路隨機亂摑小朋友 2位小朋友無辜被打

網絡最近流傳車CAM片，車主當時將車停泊在土瓜灣背壟道與天光道交界、紅綠燈位前，期間竟見到一名手持黃色膠袋、身穿紅色間條衫的阿婆橫過馬路時，突然無故掌摑一名剛好步過身旁的女孩，令女童當場嚇至呆滯；該名阿婆隨後繼續過馬路。竟再出手掌摑另一名正由家長拖著的男孩，犯案後即迅速逃去無蹤。據了解，事後車主曾就事件報警求助，惟不獲受理。

閱讀更多：九巴驚現倉鼠瑟縮一角！乘客救起放膠袋交車長 九巴回應揭鼠鼠最終去向

影片在網絡惹來極大迴響：「拉得啦，專搵小朋友黎打，重要打頭」、「呢啲叫隨機打人黨」、「專打細路仔，比着我當場捉住佢報警」、「試下打既係我的小朋友？我一定打返佢」、「係唔係有病呀，大大巴升落個小朋友度」、「專蝦小朋友」、「咁算係普通襲擊罪吧」、「阿婆剩係敢蝦細路」、「呢啲咪心理不平衡囉」！