觀塘酒樓疑冰鮮東星斑扮游水魚 店方斷正後道歉都冇句 食客嬲爆：餐飲業做衰自己！

去酒樓固然要歎新鮮海鮮！早前有網民分享，指曾光顧觀塘某酒樓，本叫了一道「新鮮游水」東星斑，價值600多元；料知上菜後樓主即刻踢爆這是由「冰鮮魚」，酒樓知衰後急急更換新鮮魚，樓主嬲到事後上載對比圖，教精網民點辨清；事後亦有網民留言，教路大家點分冰鮮魚與新鮮魚！

閱讀更多：台北車站香港女遊客遭性侵 遭拖走10分鐘無人理 飲酒醉倒大堂 據報疑犯為朋友關係

幫襯酒樓指定游水東星斑 料變冰鮮魚

有網民發帖表示，早前中秋節正日曾光顧觀塘一間酒樓，點了一條1斤2兩、售價逾600元的紅東星斑，落單前特意強調要「新鮮游水魚」，但上菜時發現竟是冰鮮貨。樓主醒目一眼辨出冰鮮魚，當場要求更換，最終獲店方換回新鮮魚，但酒樓並未道歉；樓主怒斥酒樓冇誠意、冇下次，更嬲爆形容「餐飲業唔係冇客，而係自己做衰自己！」帖文中，樓主亦有公開前後兩碟魚對比圖，令不少網民大開眼界！

網民教路點分新鮮魚／冰鮮魚

樓主上載的對比圖，惹來網民熱議，不少人留言稱「呢啲post有養分，學到嘢！」部分網民甚根據圖片總結出重點，包括新鮮魚蒸後魚鰭會豎起、水撥（魚身兩側胸鰭或背鰭）向上；至於冰鮮死魚的水撥則呈平伏；游水魚肉質緊緻「會爆肉」，魚旗及眼珠突出，外層蒸熟時會自然裂開，魚肉顏色亦更白更鮮。至於味道方面，新鮮魚的香氣明顯較濃，口感亦更嫩滑！