:quality(80)/public/tvbcom/article/images/202610/e08373e9-e735-4697-8190-d2e928cf380f.png)
網絡近日流傳一段車Cam片段，事發於昨日（7日）下午6時16分，地點位於西沙GO Park對出的迴旋處。片段顯示，車Cam車主當時駛入迴旋處，驚見一名中年婦人正手拉一輛騎乘車，而騎乘車上更坐着一名幼童，一老一嫩公然在行車道上逆線而行。車Cam車主見狀隨即緊急煞停避讓，該名婦人待車輛駛過後，才施施然繼續橫過馬路。
上載影片的網民事後發文諷刺道：「諗諗下我都係有啲唔啱 我唔應該叫佢返上行人路，嚴格嚟講，佢有架人力車，都係道路使用者，婆婆，小妹妹，Sorry🙏🙏」
影片曝光後引發大批網民熱烈討論，不少人直指該名婦人的行為極度離譜，更會為幼童帶來極差示範，紛紛留言批評：「大教壞細，𡃁妹再大小小以為衝馬路冇問題」、「咁多唔行？」、「離晒大譜」。
